బెల్లంకొండతో గోపిచంద్ మలినేని తాజా ప్రాజెక్టు..

Posted: 10/30/2018 05:34 PM IST

బెల్లంకోండ శ్రీనివాస్ హీరోగా తెలుగు ప్రేక్షకుల ముందుకు పలు చిత్రాలు వచ్చినా.. గర్వంగా చెపుకునేలా మాత్రం ఇప్పటి వరకు ఒక్క చిత్రం కూడా లేకపోయింది. దీంతో మంచి హిట్ కావాలని ఎదురుచూస్తున్న బెల్లంకొండ.. ప్రస్తుతం తేజ దర్శకత్వంలో ఓ చిత్రాన్ని చేస్తున్నారు. అయితే ఆ తరువాత గోపీచంద్ మలినేని దర్శకత్వంలో మరో చిత్రం చేయనున్నాడు. దీంతో ఈ రెండు చిత్రాలకు తనకు హిట్ అందిస్తాయని అశలు పెంచుకుంటున్నాడు శ్రీనివాస్.

అయితే నిజానికి ఈ చిత్రం కథను సాయిధరమ్ తేజ్ కోసం అనుకుని రచించాడు గోపిచంద్ మలినేని. క్రితం ఏడాది వీరిద్దరి కాంబినేషన్ లో వచ్చిన 'విన్నర్' అనే సినిమా బాక్సాఫీసు వద్ద బోల్లా కోట్టింది. దీంతో సాయిధరమ్ తేజ్ అభిమానులు నిరాశకు గురైనట్లు భావించిన గోపీచంద్.. ఆ తరువాత సినిమాతోనైనా తేజుకి హిట్ ఇవ్వాలని భావించాడు. అందుకోసం అనూహ్యమైన మలుపులతో సాగే ఒక కథను సిద్ధం చేసుకున్నాడు. ఇందుకు నిర్మాతలు కూడా సిద్దంగా వున్నారు.

ఈ కొత్త కథలో కొత్తదనం కారణంగా తేజు అంగీకరించడాని చెప్పుకున్నారు. కానీ వరుస పరాజయాలతో వున్న తేజు, ఈ ప్రాజెక్టుపై పెద్దగా ఆసక్తిని చూపించలేదని టాక్. దాంతో ఈ కథలో కాస్త మార్పులు చేసి బెల్లంకొండ శ్రీనివాస్ ను ఒప్పించాడు గోపీచంద్. అయితే కథ స్ర్కిప్ట్ విన్న తరువాత బెల్లంకొండ ఈ చిత్రానికి సరేనన్నారని సమాచారం. అయితే ప్రస్తుతం తేజ దర్శకత్వంలో చేస్తోన్న చిత్రం తరువాత గోపిచంద్ మలినేనితో చిత్రాన్ని పట్టాలెక్కించే పనిలో వున్నాడట బెల్లంకొండ.