మరో డైరెక్టర్ కు వెంకీ పచ్చజెండా..

Posted: 10/24/2018 08:45 PM IST

Victory venkatesh gives nod to trinadha rao nakkina

హీరో విక్టరీ వెంకటేశ్ ప్రస్తుతం.. అనిల్ రావిపూడి దర్శకత్వంలో 'ఎఫ్ 2' అనే మల్టీ స్టారర్ సినిమా చేస్తున్నారు. చిత్రీకరణ పరంగా ఇది ముగింపు దశకి చేరుకుంది. ఈ సినిమా తరువాత ఆయన బాబీ దర్శకత్వంలో 'వెంకీ మామా' అనే మరో మల్టీ స్టారర్ చేయనున్నారు. త్వరలోనే ఈ సినిమా రెగ్యులర్ షూటింగు మొదలుకానుంది. ప్రస్తుతం అందుకు సంబంధించిన సన్నాహాలు జరుగుతున్నాయి.

ఈ నేపథ్యంలోనే వెంకటేశ్ మరో దర్శకుడికి గ్రీన్ సిగ్నల్ ఇచ్చారన్న టాక్ చిత్రపురిలో వినబడుతుంది. దర్శకుడు నక్కిన త్రినాథరావు దర్శకత్వంలోనూ ఓ చిత్రంలో నటించేందుకు పచ్చజెండా ఇచ్చేశాడు వెంకీ. నక్కిన త్రినాథరావు రూపొందించిన తాజా చిత్రం 'హలో గురు ప్రేమకోసమే' థియేటర్లలో వుంది. ఈ చిత్రం కూడా హిట్ టాక్ సొంతం చేసుకుంది. వసూళ్ల పరంగానూ పర్వాలేదు అనిపిస్తుంది.

యంగ్ హీరో రామ్ నటించిన ఈ చిత్రం పాజిటివ్ టాక్ సొంతం చేసుకున్న నేపథ్యంలో హీరో వెంకటేష్ కూడా సై అన్నారని సమాచారం. అయితే ఈ చిత్రానికి సంబంధించి గతంలోనే వెంకటేశ్ కి కథ వినిపించారని సమాచారం. ఆ కథను చేయడానికి తాజాగా వెంకటేశ్ ఓకే చెప్పారు. కిరణ్ రెడ్డి.. భరత్ చౌదరి నిర్మాణ బాధ్యతలు వహించనున్న ఈ సినిమాకు సురేశ్ బాబు సమర్పకుడిగా వ్యవహరిస్తారు. ఈ సినిమాలో కథానాయిక కోసం అన్వేషణ కొనసాగుతోంది. త్వరలోనే పూర్తి వివరాలు తెలియనున్నాయి.