అంచనాలు పెంచుతున్న అంతరిక్షం టీజర్

Posted: 10/17/2018 09:04 PM IST

ఫిదా లాంటి హిట్ చిత్రాన్ని అందుకున్నాక కొంత గ్యాప్ తీసుకున్న మెగా హీరో వరుణ్ తేజ్.. సంకల్ప్ రెడ్డి దర్శకత్వంలో రూపోందుతున్న 'అంతరిక్షం' సినిమా నటిస్తున్న విషయం తెలిసిందే. ఈ సినిమాలో వరుణ్ తేజ్ .. అదితీ రావు వ్యోమగాములుగా నటిస్తున్నారు. మరో కథానాయికగా లావణ్య త్రిపాఠి కూడా ఈ చిత్రంలో మెరవనుంది. అయితే ఇప్పటికే అంచనాలు పెరుగుతున్న ఈ చిత్రానికి సంబంధించి.. తాజాగా టీజర్ ను విడుదల చేశారు.

టైటిల్ కి తగినట్టుగానే అంతరిక్షానికి సంబంధించిన సన్నివేశాలపై టీజర్ ను కట్ చేశారు. ప్రధానమైన పాత్రలపై కట్ చేసిన ఈ టీజర్ ద్వారా కథ చెప్పే ప్రయత్నం చేయకుండా, అందరిలో ఆసక్తిని పెంచడంలో టీమ్ సక్సెస్ అయింది. డిసెంబర్లో ఈ సినిమాను ప్రేక్షకుల ముందుకు తీసుకురానున్నారు. ఈ సినిమా తన కెరియర్లో ప్రత్యేకమైనదిగా నిలుస్తుందని వరుణ్ తేజ్ భావిస్తున్నాడు.