అయ్యో.. అయ్యయ్యో.. ఈషా రెబ్బా..

Posted: 09/05/2018 07:00 PM IST

Eesha rebba bitter experience in indigo flight

ఇండిగో విమానయాన సంస్థలో ప్రయాణికులు ఎవరూ ప్రయాణించవద్దని టాలీవుడ్ కథానాయిక ఈషా రెబ్బా ప్రజలకు పిలుపునిచ్చింది. ఇండిగో విమాన సిబ్బంది అత్యంత దురుసుగా వ్యవహరిస్తారని అమె ఆరోపించింది. తనతో కూడా గతంలో అమర్యాదకరంగా ప్రవర్తించారని తెలిపింది. ఇండిగో సిబ్బంది ఇలా ప్రవర్తించడం ఇదే తొలిసారి కాదనీ, గతంలోనూ ఇలా వ్యవహరించిన పలు ఘటనలు వెలుగులోకి వచ్చాయిన వెల్లడించింది. అసలు ఇండిగో సంస్థ విమానాలను ఎక్కడం మానేయాలని, ఆ సంస్థ సేవలను బహిష్కరించాలని కూడా తన అవేశాన్ని వెల్లగక్కింది.

నెటిజన్ ట్వీట్ చేస్తూ, ‘‘ఇండిగో కారణంగా నేను విమానం మిస్ కావడం ఈ వారంలో ఇది రెండోసారి. ఇదంతా కేవలం ఇండిగో ఉద్యోగుల పొగరు కారణంగానే జరిగింది. వాళ్లు నన్ను ‘ఒక్క నిమిషం ఆగండి’.. ‘10 నిమిషాలు ఆగండి’ అంటూ వెయిట్ చేయించారు. చివరికి నన్నే ‘నువ్వు 5 నిమిషాలు లేట్ గా వచ్చావు’ అంటూ దబాయించారు’’ అంటూ పేర్కొన్నాడు. ఓ నెటిజన్ చేసిన ట్వీట్ పై ఈషా రెబ్బా ఈ మేరకు స్పందించింది. ఇంతలా ఎందుకు అమె స్పందించారన్న కారణం కూడా చెప్పింది. తనకు కూడా గతంలో ఇండిగోతో ఇలాంటి అనుభవమే వుందని తెలిపింది.