బోయపాటికి రాంచరణ్ సూచన.. దానయ్య ఖుష్..

Posted: 07/11/2018 07:13 PM IST

Ram charan suggests boyapati on budget in ongoing project

మెగా పవర్ స్టార్ రాంచరణ్ తేజ్ నటించిన గ్రామీణ నేపథ్యంలోని చిత్రం రంగస్థలం రికార్డులను బద్దలుకొట్టి.. కొత్త రికార్డులను సృష్టించిన నేపథ్యంల అతని మార్కెట్ విసృత్తంగా పెరిగిన విషయం తెలిసిందే. అయితే ప్రస్తుతం తాను నటిస్తున్న చిత్రం భారీ బడ్జెట్ తో కూడుకోవడంతో.. రాంచరణ్.. ఈ తరహా ఖర్చులు తగ్గించుకోవాలని దర్శకుడికి సూచించాడని టాక్. బోయపాటి దర్శకత్వంలో రాంచరణ్ తేజ్ ఒక సినిమా చేస్తున్నాడు. దీనికి డీవీవీ దానయ్య నిర్మాత.

'రంగస్థలం' లాంటి భారీ హిట్ చిత్రం తరువాత చేస్తున్న ఈ సినిమా కథాకథనాల విషయంలో చాలా జాగ్రత్తలు తీసుకుంటున్న చరణ్.. బడ్జెట్ విషయంపై కూడా ప్రత్యేక దృష్టి పెట్టాడని అంటున్నారు. బోయపాటి సినిమాలు సహజంగానే భారీ బడ్జెట్ తో కూడుకున్నవి వుంటాయన్ని టాక్ వుంది. భారీగా తన చిత్రాలను నిర్మించే బోయపాటి.. తన చిత్రాల రూపోందించేందుకు పెద్దమొత్తంలో ఖర్చు చేయిస్తుంటాడు. ప్రస్తుతం చేస్తోన్న సినిమా విషయంలోను ఆయన అదే పద్ధతిని కొనసాగిస్తున్నాడు.

ఈ సినిమాలో విలన్ ఇంట్రడక్షన్ సీన్ కోసమే ఆయన భారీ మొత్తమే ఖర్చు చేయించాడట. ఖర్చు పెరిగిపోతూ వుండటాన్ని గమనించిన చరణ్, ముందుగా అనుకున్న బడ్జెట్ కంటే 10 కోట్ల తక్కువకే చిత్రీకరణ పూర్తి చేయాలని బోయపాటికి చెప్పినట్టుగా ఫిల్మ్ నగర్లో ఒక వార్త వినిపిస్తోంది. మార్కెట్ వుంది కదా అని ఖర్చు చేయించవద్దనీ .. నిర్మాతకి లాభాలు రావాలని చెప్పడమే కాకుండా, ఎప్పటికప్పుడు ఖర్చు గురించిన వివరాలు తెలుసుకుంటూ నియంత్రణ చేస్తున్నట్టుగా చెప్పుకుంటున్నారు.