జేమ్స్ బాండ్ ను గుర్తచేస్తున్న గూఢాచారి టీజర్

Posted: 07/04/2018 08:28 PM IST

Adivi sesh is high on action in goodachari

క్షణం క్షణం సినిమాతో తన విభిన్నమైన నటనను కనబర్చి.. తెలుగు ప్రేక్షకులకు దగ్గరైన అడివి శేష్ హీరోగా తాజాగా రూపొందుతున్న చిత్రం గూఢాచారి. ధర్శకుడు శశి కిరణ్ తిక్క రూపొందిస్తున్న ఈ చిత్రం త్వరలో విడుదలకు సిద్దమైంది. ఈ సినిమాలో అడివి శేష్ సరసన కథానాయికగా శోభిత ధూళిపాళ నటించింది. అభిషేక్ పిక్చర్స్.. విస్టా డ్రీమ్ మర్చంట్స్ .. పీపుల్స్ మీడియా ఫ్యాక్టరీ సంయుక్తంగా ఈ సినిమాను నిర్మించారు. కొంతసేపటి క్రితం ఈ సినిమా నుంచి టీజర్ ను రిలీజ్ చేశారు.

ప్రధాన పాత్రలను కవర్ చేస్తూ ఈ టీజర్ ను కట్ చేశారు. యాక్షన్ .. ఎమోషన్ .. రొమాన్స్ ను ఆవిష్కరిస్తూ సాగిన ఈ టీజర్ ఆసక్తిని రేకెత్తిస్తోంది. హై టెక్నికల్ వేల్యూస్ తో ఈ సినిమాను రూపొందించారనే విషయం ఈ టీజర్ చూడగానే తెలిసిపోతోంది. చాలా కాలం తరువాత ఈ సినిమా ద్వారా సుప్రియ యార్లగడ్డ ఆర్టిస్టుగా రీ ఎంట్రీ ఇస్తుండటం విశేషం. ఈ సినిమాలో ఒక కీలకమైన పాత్రలో ప్రకాశ్ రాజ్ కనిపించనున్నాడు. ఆగస్టు 3వ తేదీన ఈ సినిమాను విడుదల చేయనున్నారు.