బెనర్జీ కుటుంబానికి చిరంజీవి పరామర్శ..

Posted: 04/16/2018 02:59 PM IST

Chranjeevi pays tributues to senior actor raghavaiah

ప్రముఖ నటుడు బెనర్జీ తండ్రి, సీనియర్‌ నటుడు రాఘవయ్య(86) ఇటీవలే కన్నుమూశారు. గత కొంతకాలంగా ఆయన గుండె సంబంధిత వ్యాధితో బాధపడుతూ ఆదివారం తుదిశ్వాస విడిచారు. ఆయన మృతిపట్ల టాలీవుడ్‌ దిగ్భ్రాంతి వ్యక్తం చేసింది. సినీ ప్రముఖుల సందర్శనాంతరం ఆయన భౌతికకాయాన్ని ఫిలింనగర్‌కు తరలించి నిన్న మధ్యాహ్నం అంత్యక్రియలు నిర్వహించారు. అయితే ఆయనతో తన అనుబంధాన్ని గుర్తు చేసుకున్నారు టాలీవుడ్ మెగాస్టార్ చిరంజీవి. తన సైరా నరసింహరెడ్డి చిత్రం షూటింగ్ లో బిజీగా వున్న ఆయన ఇవాళ కొంత సమాయాన్ని తీసుకుని రాఘవయ్య నివాసానికి వెళ్లారు.

ఈ సందర్భంగా ఫిల్మ్ నగర్ లోని రాఘవయ్య కుమారిడి నివాసానికి వెళ్లిన చిరంజీవి.. తండ్రిపోయిన బాధలో ఉన్న బెనర్జీని, ఆయన కుటుంబాన్ని పరామర్శించారు. రాఘవయ్య చిత్రపటానికి పూలమాలలు వేసి ప్రగాఢ సంతాపాన్ని వ్యక్తం చేశారు. తనతో కలసి నటించిన చిత్రాలు, ఇతరాత్ర వ్యక్తిగత జ్ఞాపకాలను గుర్తుచేసుకున్నారు. రాఘవయ్య ‘వీరాంజనేయ’, ‘కథానాయకుడు’, ‘యమగోల’ తదితర చిత్రాల్లో నటించారు. ఆయన చివరిగా నటించిన సినిమా ‘భరత్‌ అనే నేను’. షూటింగ్‌ పూర్తిచేసుకున్న ఈ చిత్రం 20న ప్రేక్షకుల ముందుకు రాబోతోంది.