కన్నుగీటిన కష్టాలు.. ప్రియాపై మరో కేసు..

Posted: 04/09/2018 04:55 PM IST

Winking is blasphemy in islam two hyderabadis move sc

ఒక్కసారి కన్ను గీటితే ఏమౌవుతుందని అమ్మాయిలు అంటే.. ఏమౌవుతుందో కన్నుగీటి చూపింది మలయాళీ ముద్దుగుమ్మ ప్రియా ప్రకాశ్ వారియర్. అసలీ అమ్మడు ఎవరా.? అని తెలియకున్నా.. ఈ పేరునో లేక అమె కన్నుగీటిన వీడియోనో చూడని వారంటూ లేరంటే అతిశయోక్తి కాగు. సామాజిక మాధ్యమాలను కొంతకాలం పాటు ఏటిన ఈ ప్రియా.. తన కన్నుగీటిన వీడియోలతో వైరల్ గా మారింది. ‘ఒరు అదార్ లవ్’ చిత్రంలో ‘మాణిక్య మలరయ’ అనే పాటతో పాపులారిటీ, క్రేజ్ సంపాదించిన ఈ ముద్దుగుమ్మకు అదే స్థాయిలో న్యాయస్థానాల్లో కేసులు గట్రాలను కూడా ఎదుర్కొంటుంది.

ఈ పాట ముస్లింల మనోభావాలు దెబ్బతీసేలా ఉందంటూ హైదరాబాద్ కు చెందిన ముస్లింలు గతంలో సుప్రీం కోర్టును ఆశ్రయించడం, ఈ సినిమా దర్శకుడు ఒమర్ లులుపై, ప్రియపై కేసు పెట్టడం విదితమే. తాజాగా, హైదరాబాద్ కే చెందిన కొందరు ముస్లింలు మళ్లీ సుప్రీంకోర్టులోమరో కేసు వేశారు. ‘కన్ను కొట్టడం ఇస్లాం మత సంప్రదాయానికి వ్యతిరేకమని, ఈ సినిమా విడుదలకు అనుమతిచ్చే ముందు ఈ విషయాన్ని పరిగణనలోకి తీసుకోవాలని’ తమ పిటిషన్ లో వారు కోరారు.

అయితే ‘ఒరు అదార్ లవ్’ సినిమాకు సంబంధించిన వేసిన తొలి కేసు విషయమై ప్రియా ప్రకాశ్ కూడా దేశ సర్వోన్నత న్యాయస్థానం సుప్రీంకోర్టును ఆశ్రయించింది. ఈ చిత్రంలో దర్శకుడు చెప్పినట్లుగా మాత్రమే తాను నటించానని, ఇందులో నటించినందుకు గాను తనపై ఎలాంటి క్రిమినల్ చర్యలు తీసుకోకుండా చూడాలని కోరింది. దీంతో అమె పిటీషన్ ను విచారించిన న్యాయస్థానం ప్రియ ప్రకాష్ కు అనుకూలంగానే తీర్పు వచ్చింది. గత మార్చి 1న విడుదల కావాల్సిన ఈ సినిమాను జూన్ కు వాయిదా పడటం తెలిసిందే.