‘సైరా’ రెండవ షెడ్యూల్ కు నయన్ అగయా..

Posted: 03/20/2018 11:34 AM IST

Nayanthara begins shooting for sye raa in second shedule

మెగాస్టార్ చిరంజీవి నటిస్తున్న సైరా చిత్రంపై ఇప్పటికే అభిమానుల్లో భారీ అంచనాలు నెలకొన్న నేపథ్యంలో.. రీ-ఎంట్రీ తరువాత చిరంజీవి నటిస్తున్న రెండో చిత్రం కావడంతో దీనిని దర్శకుడు సురేందర్ రెడ్డి కూడా అంతే ప్రతిష్టాత్మకంగా తీసుకుని రూపొందిస్తున్నారు. భారీ బడ్జెట్ తో వస్తున్న ఈ చిత్రాన్ని శరవేగంగా పూర్తి చేయాలని కూడా దర్శకుడు సన్నాహాలు చేస్తున్నాడు. ఇప్పటికే ఈ సినిమా ఫస్టు షెడ్యూల్ ను పూర్తి చేసుకుంది.

ఈ క్రమంలో తొలి షెడ్యూల్లో అసంతృప్తిగా అనిపించిన కొన్ని సన్నివేశాలను మళ్లీ చిత్రీకరించారు. కాగా, తాజాగా ఈ సినిమా రెండవ షెడ్యూల్ కూడా ప్రారంభమైపోయింది. ఈ షెడ్యూల్లో నయనతార జాయిన్ అయింది. చిరంజీవి సరసన కథానాయికగా ఆమె ఎంపిక జరిగిందిన్న విషయంలో అనేక వార్తలు వచ్చినా.. వాటన్నింటినీ తోసిరాజుతూ రెండవ షెడ్యూల్ లో అమె నటించేందుకు షూటింగ్ స్పాట్ కు కూడా చేరుకున్నారు.

ప్రస్తుతం చిరంజీవి .. నయనతార .. జగపతిబాబు కాంబినేషన్లోని కొన్ని కీలకమైన సన్నివేశాలను, హైదరాబాద్ - నానక్ రామ్ గూడాలో చిత్రీకరిస్తున్నారు. ఈ సన్నివేశాలు ఈ సినిమా హైలైట్స్ లో ఒకటిగా అనిపిస్తాయని అంటున్నారు. ఈ నెల 28వ తేదీ నుంచి ఈ సినిమా షూటింగులో అమితాబ్ జాయిన్ కానున్నారు. 150 కోట్ల బడ్జెట్ తో రూపొందుతోన్న ఈ సినిమాపై, భారీ అంచనాలు వున్నాయి