అరుదైన ఫోటో షేర్ చేసిన నాగ్

Posted: 03/14/2018 11:01 AM IST

టాలీవుడ్ సీనియర్ హీరో నాగార్జున అక్కినేని తన చిత్రాలకు సంబంధించిన అప్ డేట్లు మాత్రమే కాదు.. అరుదైన విషయాలను కూడా పోస్ట్ చేస్తుంటారు. తాజాగా ఈ ఉదయం తన ట్విట్టర్ లో ఆయన ఓ ఫోటోను షేర్ చేయగా.. అది వైరల్ అవుతోంది.

"బ్లాస్ట్ ఫ్రమ్ ది పాస్ట్" అంటూ... "ఇద్దరు గ్రేట్ యాక్టర్స్ ఎన్టీఆర్ మరియు ఏఎన్ఆర్... ఎడమవైపు కనిపిస్తున్నది కేబీఆర్ పార్కు గోడ. కుడివైపున్నది అన్నపూర్ణా స్టూడియోస్. ఈ రోడ్డుగుండా వెళితే, ఇప్పుడు జూబ్సీహిల్స్ చెక్ పోస్టు వస్తుంది. అయితే, అప్పుడున్నంత ప్రశాంతత మాత్రం ఉండదు" అంటూ నాగ్ ట్వీట్ చేశారు.

హైదరాబాద్, బంజారాహిల్స్ నుంచి జూబ్లీహిల్స్ వెళ్లే రూట్ అంటే సరిపోల్చుకోలేం. ఏఎన్ఆర్ కారును డ్రైవ్ చేస్తుంటే, ఎన్టీఆర్ ఆయన పక్కన కూర్చుని వస్తున్నారు. కాగా, ఈ చిత్రం ఇద్దరు మహానటులూ నటించిన 'రామకృష్ణులు' చిత్రం షూటింగ్ సమయంలో తీసింది.

Blast from the past!!!the legends NTR & ANR That's the kbr park wall on the left and Annapurna studios on the right , the road leads to today's buzzing Jublee hills check post...isn’t that cool pic.twitter.com/zWSm81hHnW

— Nagarjuna Akkineni (@iamnagarjuna) March 14, 2018