కరుణాకరన్ సినిమా టైటిల్ పై తేజూ క్లారిటీ

Posted: 03/13/2018 04:01 PM IST

సోషల్ మీడియాలో ఎక్కడో ఓ వార్త పుట్టుకు రావటం.. దాని ఆధారంగా ఓ కథనాన్ని అల్లేసి వైరల్ చేస్తుండటం ఇప్పుడు పరిపాటిగా మారిపోయింది. అయితే అలాంటి తలా తోక లేని వార్తలతో పెద్ద పెద్ద మీడియా సంస్థలు కూడా ఇబ్బందులను ఎదుర్కుంటున్నాయి.

తాజాగా సాయి ధరమ్ తేజ్ కరుణాకరణ్ డైరెక్షన్ లో ఓ చిత్రంలో నటిస్తున్న విషయం తెలిసిందే. అనుపమ పరమేశ్వరన్ హీరోయిన్ గా నటిస్తున్న ఈ రొమాంటిక్ ఎంటర్ టైనర్ కి ఈ మధ్య టైటిల్ ఫిక్స్ చేశారంటూ వార్తలు వినిపించాయి. దేవుడు వరమందిస్తే టైటిల్ ను ఫిక్స్ చేశారంటూ కథనాలు వెలువడగా.. ప్రముఖ పత్రికలు కూడా ఆ వార్తను ప్రచురించాయి. కొందరైతే ఏకంగా లోగోలు డిజైన్ చేసి వైరల్ చేసేశారు.

అయితే ఆ వార్తలో ఎలాంటి నిజం లేదని స్వయంగా తేజూనే వెల్లడించాడు. తన తదుపరి సినిమాకి సంబంధించి ఇంతవరకూ ఏ టైటిల్ ను అనుకోలేదనీ .. త్వరలోనే టైటిల్ ను ఎనౌన్స్ చేస్తామని అన్నాడు. మొత్తానికి ఇన్ అండ్ యాజ్ పేరుతో వేసిన టైటిల్ తేజూకు చిరాకు తెప్పించిందనే చెప్పుకోవాలి.

Hi guys, there has been speculation in regards to the title of my next film. The one that has been doing the rounds is “NOT” the title. The title will be announced soon... Thank you (in & as )

— Sai Dharam Tej (@IamSaiDharamTej) March 13, 2018