పంచ్ కొట్టేంత స్ట్రాంగ్ గా ఉన్నా: సిల్వెస్టర్ స్టాలోన్

Posted: 02/20/2018 03:41 PM IST

హాలీవుడ్‌ లో ఓ వార్త ఇప్పుడు తెగ చక్కర్లు కొడుతోంది. ప్రము నటుడు సిల్వెస్టర్‌ స్టాలోన్‌(71) చ‌నిపోయాడంటూ నిన్న ఉదయం నుంచి సోషల్ మీడియాలో పుకార్లు షికారు చేశాయి. దీంతో పలువురు నెటిజన్లు స్టాలోన్ కు సంతాప సందేశాలు పెట్టడం ప్రారంభించారు. కాసేపటికే ఈ వార్త కాస్త స్టాలోన్ చెవిన పడింది. ఇక ఊరుకుంటాడా?

నేను బతికే ఉన్నానని, ఆరోగ్యంతో ఆనందంగా ఉన్నా, ఇంకా ఫైట్లు చేసేంత బలంగా ఉన్నా.. అంటూ క్లారిటీ ఇచ్చాడు. మరవైపు ఈ పుకార్లపై స్టాలోన్ సోదరుడు తీవ్ర ఆగ్రహం వ్యక్తం చేశాడు. బ్ర‌తికున్న వ్య‌క్తిని చంపేవార‌కి స‌మాజంలో ఉండే అర్హ‌తే లేద‌ని అన్నాడు. కాగా, ఇంతకీ ఈ పుకారెలా పుట్టిందంటే గమనిస్తే... స్టాలోన్ తాజాగా ఓ చిత్రంలో నటిస్తున్నాడు. ఆ పాత్ర కోసం కొత్త గెటప్ వేసుకున్నాడు. జుట్టు ఉడిపోయి, వడలిపోయి ఆ లుక్కును చూసి చాలా మంది ఆయనకు కేన్సర్ సోకిందంటూ కథలు అల్లేశారు. మరికొందరు ఏకంగా ఆయన ఆ వ్యాధిలో ఈ ఉదయం చనిపోయాడంటూ గాలి వార్తను పుట్టించారు.

ఇది తెలియని నెటిజన్లు ఆ ఫోటోలను షేర్ చేస్తూ, అవే నిజమని నమ్మి రిప్ సందేశాలు పెడుతున్నారు. తన కూతుళ్లతో సరదాగా గడిపిన ఓ వీడియోను విడుదల చేశారు కూడా. రాకీ, రాంబో చిత్రాలతో వరల్డ్ వైడ్ ఫేమస్ అయిన ఆయన ఈ ఏడాది ఎస్కేప్ ఫ్లాన్-2 హడేస్ తో ప్రేక్షకుల ముందుకు రానున్నాడు.

Please ignore this stupidity… Alive and well and happy and healthy… Still punching! https://t.co/sgRhOguHhs

— Sylvester Stallone (@TheSlyStallone) February 19, 2018