రానా హిరణ్యకశప సెట్స్ మీదకు వెళ్లేది అప్పుడే!

Posted: 02/20/2018 03:10 PM IST

చాలా కాలం పాటు సక్సెస్ లేకుండా పోయిన దర్శక నిర్మాత గుణశేఖర్.. 'రుద్రమదేవి' వంటి చారిత్రక కథాంశం ఉన్న చిత్రంతో మెప్పించారు. ఆ చిత్రం తర్వాత గ్యాప్ తీసుకున్న ఆయన తర్వాతి చిత్ర విషయంలో సస్పెన్స్ మెయింటెన్ చేస్తూ వస్తున్నారు. అయితే ఆ మధ్య కాలంలో ఆయన నుంచి వినిపించిన సబ్జెక్టు పైనే వర్కవుట్ చేస్తున్నారన్నది ఇప్పుడు తేలింది.

'హిరణ్యకశిప' అనే పౌరాణిక చిత్రాన్ని భారీస్థాయిలో తెరపై ఆవిష్కరించడానికి రెడీ అవుతున్నారు. ఈ సినిమాకి సంబంధించిన ప్రీ ప్రొడక్షన్ పనులు చాలాకాలంగా గోప్యంగా జరుగుతున్నట్లు తెలుస్తోంది. ఇది 'భక్త ప్రహ్లాద' కథే అయినప్పటికీ, హిరణ్యకశిపుడి కోణంలో కొనసాగుతుందన్న మాట. టైటిల్ రోల్ ను దగ్గుబాటి రానా చేయనున్నాడు. దీంతో ఈ ప్రాజెక్టు ఎప్పుడెప్పుడు సెట్స్ పైకి వెళుతుందా అని అభిమానులంతా ఎంతో ఆసక్తిగా ఎదురుచూస్తున్నారు.

ఆగస్టు నుంచి రెగ్యులర్ షూటింగ్ జరుపుకోనున్నట్టు తెలుస్తోంది. దాదాపు 150 కోట్ల బడ్జెట్ తో ఈ సినిమా రూపొందనుందని చెబుతున్నారు. దీనిని సురేశ్ ప్రొడక్షన్స్ .. గుణ టీమ్ వర్క్స్ పై సంయుక్తంగా నిర్మించనున్నారనే టాక్ వినిపిస్తోంది. తెలుగుతో పాటు తమిళ, హిందీ భాషల్లో ఈ సినిమాను విడుదల చేయనున్నారు. చిత్ర ప్రారంభం రోజే విడుదలపై స్పష్టత వచ్చే అవకాశం ఉంది.