ఫ్లాష్ బ్యాక్ ఎపిసోడ్ తో సైరా సెకండ్ షెడ్యూల్

Posted: 02/15/2018 05:49 PM IST

మెగా స్టార్ చిరంజీవి 151వ చిత్రం సైరా నరసింహారెడ్డి రెండో షెడ్యూల్ తేదీ వచ్చేసింది. ఫిబ్రవరి 23 నుంచి షూటింగ్ ప్రారంభం కాబోతోంది. ఇప్పటిదాకా హీరోయిన్ ఈ షూటింగ్ లో జాయిన్ కాకపోవటంతో తప్పుకుందనే రూమర్లు వినిపించాయి.

కానీ, నయన్ ఈ ప్రాజెక్టులో ఉందని.. రెండో షెడ్యూల్ లో జాయిన్ అవుతుందని మేకర్లు క్లారిఫికేషన్ ఇచ్చేశారు. ఇక చిరు-నయన్ కాంబోలో కీలక సన్నివేశాలను చిత్రీకరించబోతున్నారు. ఫ్లాష్ బ్యాక్ ఎపిసోడ్స్ సన్నివేశాలు ఉండబోతున్నాయని సమాచారం. మార్చి నెలాఖరు వరకు ఈ షెడ్యూల్ జరగబోతోంది.

ఇక ఇదే షెడ్యూల్ లో విజయ్ సేతుపతి, అమితాబ్ బచ్చన్ కూడా పాల్గొంటారని సమాచారం. మరోవైపు మ్యూజిక్ డైరెక్టర్ విషయంలో కూడా త్వరలోనే క్లారిటీ వచ్చే అవకాశం ఉంది. చెర్రీ నిర్మాతగా వ్యవహరిస్తున్న ఈ చిత్రాన్ని సురేందర్ రెడ్డి డైరెక్ట్ చేస్తున్న విషయం తెలిసిందే.