భోజ్ పురి భారీ బడ్జెట్ మూవీ.. బాహుబలి కాదా?

Posted: 02/13/2018 07:00 PM IST

కొంత కాలం భోజ్ పురిలో తెరకెక్కుతున్న ఓ చిత్రం గురించి దేశవ్యాప్తంగా డిస్కషన్లు జరిగాయి. అది బాహుబలి రీమేక్ అంటూ ప్రచారం సాగింది. అదే వీర్ యోధా మహాబలి. కానీ, ఆ వార్తలను చిత్ర యూనిట్ అధికారికంగా వెల్లడించలేదు. భోజ్ పురిలో క్రేజ్ ఉన్న దినేశ్ లాల్ యాదవ్ హీరోగా ఈ చిత్రం తెరకెక్కింది.

ఈ మధ్యే ఈ చిత్ర ఫస్ట్ లక్ పోస్టర్ ను వదిలారు. ఇది చూశాక అది బాహుబలి రీమేక్ అన్న అనుమానాలు కలగడం సహజం. చాలా లిమిటెడ్ బడ్జెట్ లో సినిమాలు తీసే భోజ్ పూరిలో ఇంత భారీ సినిమా తీయడం ఇదే మొదటి సారి అనే టాక్ ఉంది. దీనిని బెంగాళీ, తమిళ్, తెలుగు భాషల్లో కూడా డబ్ చేయబోతున్నారు.

అయితే ఇది బాహుబలి రీమేక్ అయి ఉండకపోయే అవకాశాలే ఎక్కువగా ఉన్నాయి. ఎందుకంటే బాహుబలి నిర్మాతల నుంచి ఎవరూ కూడా హక్కులు కొన్న దాఖలాలు లేవు. పైగా బాహుబలి హింది వెర్షన్ అక్కడ కూడా విడుదలై భారీ విజయాన్ని అందుకుంది. అలాంటప్పుడు దీనిని మళ్లీ రీమేక్ చేయాలన్న ఆలోచన మేకర్లు చేయకపోవచ్చు. ఇక్బాల్ బక్ష్ డైరెక్ట్ చేస్తున్న ఈ చిత్రాన్ని రమేష్ వ్యాస్ నిర్మిస్తున్నారు.

బాహుబలి రీమేక్ అనలేం కాని ఇన్సిపిరేషన్ అనొచ్చు. కానీ, బాహుబలి లాంటి గ్రాండియర్ చూసిన కళ్లకు వీటి విజువల్ ఎఫెక్ట్స్ ఏమేర ఆనతాయన్నది అనుమానమే.