రంగస్థలం పాట వచ్చేసింది

Posted: 02/13/2018 05:01 PM IST

మెగా పవర్ స్టార్ రామ్ చరణ్ నటించిన రంగస్థలం చిత్రంలోని మొదటి సాంగ్ విడుదల అయ్యింది. ఎంత సక్కగున్నవే అంటూ దేవీశ్రీప్రసాద్ ఆలపించిన ఈ పాట శ్రోతలను అలరించటం మొదలుపెట్టింది.

మల్లెపూల మద్దె ముద్ద బంతిలాగ ఎంత సక్కగున్నవే.. ముత్తైదువ మెళ్ళో పసుపు కొమ్ములాగ ఎంత సక్కగున్నవే... సింతసెట్టు ఎక్కి సిగురు కొయ్యబొతే... సేతికి అందిన సందమామ లాగా.. ఎంత సక్కగున్నావే అంటూ పాట ముగ్ధమనోహరంగా ఉంది. చిట్టిబాబు అభినయం.. రామలక్ష్మి అందం.. చంద్రబోస్ గారి కలం.. దేవి శ్రీ ప్రసాద్ గానం ఈ పాటలకు అదనపు ఆకర్షణగా నిలిచాయి.

మొత్తానికి ఫస్ట్ సాంగ్ ఇంప్రెషన్ తో డైరెక్టర్ సుకుమార్ ఈ చిత్రంపై అంచనాలను ఇంకా పెంచేశారు. విలేజ్ డ్రామాగా రూపొందుతున్న ఈ చిత్రంలో జగపతి బాబు, ఆదిపినిశెట్టి, అనసూయ ముఖ్యపాత్రలు పోషిస్తున్నారు.