2.O రిలీజ్ మరింత ఆలస్యం?

Posted: 01/29/2018 07:04 PM IST

రజనీకాంత్ .. అక్షయ్ కుమార్ .. ఎమీ జాక్సన్ ప్రధాన పాత్రలుగా శంకర్ '2.0' సినిమాను తెరకెక్కించారు. ప్రస్తుతం ఈ సినిమాకి సంబంధించిన గ్రాఫిక్స్ వర్క్ జరుగుతోంది. ఈ సినిమాను ఏప్రిల్ 13వ తేదీన విడుదల చేయనున్నట్టు చెప్పారు. అయితే అప్పటికి పనులు ఇంకా పూర్తి కావనేది తాజా సమాచారం.

ఈ సినిమాలో గ్రాఫిక్స్ కి అత్యధిక ప్రాధాన్యత వుంది. అందువలన మరింత సమయం పడుతుందని, దీంతో ఏప్రిల్ 27వ తేదీన ఈ సినిమాను విడుదల చేసే ఛాన్స్ ఉందనే టాక్ వినిపిస్తోంది. అయితే శంకర్ మాత్రం .. పూర్తి స్థాయి అవుట్ పుట్ తనకి సంతృప్తికరంగా అనిపించిన తరువాతనే రిలీజ్ కి ఓకే చెబుతానని అంటున్నారట. అందువలన ఈ సినిమా విడుదల మరింత ఆలస్యం కావొచ్చనే అభిప్రాయాలు వ్యక్తమవుతున్నాయి.

ఈ సినిమా రిలీజ్ డేట్ విషయంలో జరుగుతోన్న ఊగిసలాట, అభిమానులతోపాటు ఇతర సినిమాల దర్శక నిర్మాతలకు చికాకు తెప్పిస్తోంది . గతేడాది దీపావళి మొదలు.. రిపబ్లిక్ డే... ఇలా వరుసగా కొన్ని చిత్రాలు తమ రిలీజ్ డేట్ ను వాయిదా వేసుకున్నాయి. శంకర్ తాజా నిర్ణయం నేపథ్యంలో మరోసారి వారంతా తీవ్రమైన అసహనాన్ని ప్రదర్శిస్తున్నారు.