చెర్రీలో మూవీలో సీనియర్ నటుడు ప్రశాంత్

Posted: 01/19/2018 05:55 PM IST

రామ్ చరణ్ - బోయపాటి కాంబినేషన్లోని సినిమా ఈ రోజు ఉదయమే ప్రారంభమైంది. ఈ రోజు నుంచే ఈ సినిమా రెగ్యులర్ షూటింగ్ మొదలైంది. కైరా అద్వాని కథానాయికగా నటిస్తోన్న ఈ సినిమాలో విలన్ గా వివేక్ ఒబెరాయ్ నటిస్తున్న సంగతి తెలిసిందే. ఇక , స్నేహ ఓ కీలకమైన పాత్రను పోషిస్తున్న ఈ చిత్రంలో.. తమిళ సీనియర్ హీరో ప్రశాంత్ కూడా ఈ సినిమాలో ఒక ముఖ్యమైన పాత్రను పోషిస్తున్నట్టుగా సమాచారం.

గతంలో 'జీన్స్' .. 'దొంగ దొంగ' సినిమాల ద్వారా ప్రశాంత్ తెలుగు ప్రేక్షకులకు సుపరిచితమే. ఆ తరువాత ఆయన సినిమాలను తగ్గిస్తూ వచ్చారు. తెలుగులో ఆయన చేసే పాత్ర ఈ సినిమా హైలైట్స్ లో ఒకటిగా నిలుస్తుందని అంటున్నారు. చరణ్ .. బోయపాటి సినిమాలో భారీ తారాగణం వచ్చి చేరుతుండటం, అందరిలో ఆసక్తిని పెంచుతూ వెళుతోంది.

దేవీశ్రీప్రసాద్ సంగీతం అందిస్తున్న ఈ చిత్రాన్ని డీవీవీ దానయ్య నిర్మిస్తున్నాడు. దీపావళికి చిత్రాన్ని ప్రేక్షకుల ముందుకు తీసుకురానున్నారు.

And it's rolling! Mega Powerstar Ram Charan-Boyapati Srinu's #RC12 shoot starts today! @Advani_Kiara plays the female lead. pic.twitter.com/C2LTVuDMif

— DVV Entertainment (@DVVEnts) January 19, 2018