తమన్నా జోక్యం.. క్వీన్ నుంచి నీలకంఠ అవుట్

Posted: 01/13/2018 10:40 AM IST

కొత్త ముఖాలను తీసుకునే అవకాశం ఉన్నప్పటికీ.. నటనలో పరిణితి కనబరుస్తారని, పైగా ప్రేక్షకుల్లో ఇంకా క్రేజ్ ఉందన్న ఒకే ఒక్క కారణంతో సీనియర్ హీరోయిన్లకు అవకాశాలు ఇస్తున్నారు కొందరు దర్శకులు. అయితే వచ్చిన అవకాశాలను సద్వినియోగం చేసుకోకుండా తమన్నా తన ప్రవర్తనతో పెద్ద తలనొప్పిగా మారుతుందని గతంలో చాలా ఆరోపణలు వినిపించాయి.

తాజాగా ఆమె క్వీన్ చిత్ర విషయంలో కూడా ఇదే పంథాను కొనసాగించిందంట. ప్రతీ చిత్రాన్ని ఫ్రెష్ గా తీయాలంటూ దర్శకుడు నీలకంఠకు సలహాలు ఇస్తోందంట. దీంతో అసహనం వ్యక్తం చేస్తూ నీలకంఠ ప్రాజెక్టు నుంచి తప్పుకున్నట్లు వార్తలు వినిపిస్తున్నాయి.

చిత్ర కథానాయిక తమన్నాకు, దర్శకుడికి అభిప్రాయభేదాలు రావటమే అందుకు కారణమని చిత్ర యూనిట్ నుంచి సంకేతాలు అందుతున్నాయి. అయితే తెలుగుతోపాటు మళయాళ వెర్షన్ కూడా ఆయనే దర్శకత్వం వహిస్తుండగా.. దానికి మాత్రం కొనసాగేందుకు నిర్ణయించుకున్నాడంట. మళయాళంలో మాంజిమా మోహన్ హీరోయిన్ గా నటిస్తుండగా.. తమిళ్ లో కాజల్, కన్నడలో పరుల్ యాదవ్ హీరోయిన్లు.