మెగాస్టార్ అల్లుడి సరసన మేఘా ఆకాశ్!

Posted: 01/11/2018 05:59 PM IST

చిరంజీవి చిన్న కూతురి భర్త కళ్యాణ్ హీరోగా త్వరలో అరంగ్రేటం చేయబోతున్నాడని ఆ మధ్య వార్తలు విన్నాం. ప్రస్తుతం అందుకు సంబంధించిన సన్నాహాలు జరుగుతున్నాయి. ఈ సినిమా కోసం కల్యాణ్ ఇప్పటికే శిక్షణ కూడా తీసుకున్నాడు.

'జత కలిసే' సినిమాను గతంలో తెరకెక్కించిన రాకేశ్ శశి ఈ సినిమాకి దర్శకత్వం వహించనున్నాడు. చిరంజీవి కూడా ఈ కథ విని కొన్ని మార్పులు .. చేర్పులు చెప్పారట. ఆయన చెప్పినట్టుగా స్క్రిప్ట్ పై కసరత్తు జరుగుతోందట. ఈ సినిమాలో హీరోయిన్ ఎంపిక జరిగిపోయిందంటూ వార్తలు వినిపిస్తున్నాయి.

కథానాయికగా లై ఫేమ్ 'మేఘా ఆకాశ్'ను ఎంపిక చేసినట్టుగా వార్తలు వస్తున్నాయి. ఆమె ఎంపిక దాదాపు ఖరారైపోయిందనే అంటున్నారు. ఈ సినిమా సెట్స్ పైకి వెళ్లడానికి ఎంతోకాలం పట్టదని చెబుతున్నారు. ప్రస్తుతం నితిన్ జోడీగా మేఘా ఆకాశ్ ఒక సినిమా చేస్తోన్న సంగతి తెలిసిందే. మరోవైపు కోలీవుడ్ ధనుష్ సరసన గౌతమ్ మీనన్ చిత్రంలో నటిస్తోంది.