సూర్య సినిమాలో రకుల్, సాయి పల్లవి

Posted: 01/05/2018 06:27 PM IST

ఓ చిత్రం విడుదలకి ముస్తాబవుతూ ఉండగానే, తన తదుపరి సినిమాను సూర్య మొదలుపెట్టేశాడు. సూర్య కెరియర్లో 36 సినిమా ఇది.

ఈ సినిమాకి సెల్వ రాఘవన్ దర్శకత్వం వహించనున్నాడు. సూర్య సరసన కథానాయికగా రకుల్ ను తీసుకోనున్నట్టుగా వార్తలు వచ్చాయి. ఆ తరువాత సాయిపల్లవిని ఎంపిక చేసుకున్నట్టుగా ప్రకటించారు. దాంతో రకుల్ ఛాన్స్ మిస్ అయిందని అంతా అనుకున్నారు. కానీ ఈ సినిమాలో రకుల్ కూడా ఉందనేది తాజా సమాచారం.

ఈ సినిమాలో ఇద్దరు హీరోయిన్స్ కి అవకాశం ఉందట .. దాంతో రకుల్ ను .. సాయి పల్లవిని తీసుకున్నారు. ఈ సినిమాను దీపావళికి విడుదల చేయనున్నట్టు చెబుతున్నారు. ఇద్దరికీ ఇక్కడ క్రేజ్ ఉండటంతో తెలుగులోనూ సినిమా విడుదలయ్యే అవకాశం ఉంది. ప్రస్తుతానికైతే విఘ్నేష్ దర్శకత్వం వహించిన 'తానా సెరిందా కూట్టమ్' తమిళంతో పాటు తెలుగులోను గ్యాంగ్ పేరుతో సంక్రాంతికి విడుదల చేయనున్నారు.