నాగ్ మనం బ్యానర్ వెనుక అసలు స్టోరీ

Posted: 12/16/2017 04:04 PM IST

మనం సినిమా తర్వాత మధ్యలో పాటించని నియమాలను నాగ్ ఇప్పుడు హలో చిత్రానికి ఫాలో కావటం చర్చనీయాంశంగా మారింది. మనం ఎంటర్ ప్రైజెస్ పేరిట మరో ప్రొడక్షన్ ను హలో చిత్ర పోస్టర్ పై వదలటం ఆసక్తికరంగా మారింది. అయితే దీని వెనుక ఉన్న అసలు కథ ఇప్పుడు బయటకు వచ్చింది.

అన్నపూర్ణ సంస్థలో కుటుంబ సభ్యులు కొందరి కూడా షేర్ లు ఉన్నాయి. వచ్చే లాభాల్లో షేర్లు అంతా పంచుకోవాల్సిన అవసరం ఉంటుంది. ఈ నేపథ్యంలోనే నాగ్ మనం ఎంటర్ ప్రైజెస్ ను తెరపైకి తెచ్చాడు. దీంట్లో కేవలం నాగ్ కి, ఆయన తనయులకు మాత్రమే షేర్లు ఉన్నాయి.

ఇక హలో సినిమాలో ఎక్కువగా బడ్జెట్ ను పెట్టిన నాగ్.. అందుకే ముందుకొచ్చి ప్రమోషన్లు చేస్తున్నాడంట. తద్వారా సినిమా హిట్ అయితే మాత్రం వచ్చే లాభాల్లో షేర్ నాగ్ అండ్ సన్స్ కు మాత్రమే చెందుతుంది. అన్నట్లు ఈ బ్యానర్ కేవలం తనయులతో చిత్రాలు నిర్మించేందుకే నాగ్ ఏర్పాటు చేశాడని వినికిడి.