మ్యాట్రిమోనియల్ సైట్ అంబాసిడర్ గా ప్రభాస్?

Posted: 12/16/2017 03:31 PM IST

బాహుబలితో రేంజ్ పెంచుకున్న ప్రభాస్ మోస్ట్ ఎలిజిబుల్ బ్యాచ్ లర్ జాబితాలో ఉన్న సెలబ్రిటీ కూడా. ఆ క్రేజ్ ను వాడుకోవాలని ఇప్పుడు మ్యాట్రిమోనియల్ సంస్థలు ప్రయత్నాలు ప్రారంభించాయంట.

ఇందుకుగానూ భారీ రెమ్యునరేషన్ ను ముట్టజెప్పేందుకు వాళ్లు రెడీ అయ్యారు. ఆయా కంపెనీల్లో ఎండోర్స్ మెంట్ లకు కొన్ని కండిషన్లు పెట్టిన ప్రభాస్ త్వరలోనే వారికి తన నిర్ణయం చెప్పాడంట. అదే జరిగితే బాలీవుడ్ లో గతంలో ఆ రికార్డు సల్మాన్ పేరిట ఉండగా.. చాలా ఏళ్ల తర్వాత ఆ ఘనత సాధించిన హీరోగా ప్రభాస్ నిలుస్తాడు. మరి మిర్చి టైం నుంచి వినిపిస్తున్న ప్రభాస్ పెళ్లి వార్తలకు ఎప్పుడు పుల్ స్టాప్ పడుతుందో చూడాలి. 

ఇక సినిమాల పరంగా చూస్తే సాహోలో షూటింగ్ లో ప్రభాస్ పాల్గొంటున్నాడు. శ్రద్ధాకపూర్ హీరోయిన్ గా నటిస్తున్న ఈ చిత్రానికి సుజిత్ దర్శకత్వం వహిస్తుండగా.. తెలుగు, తమిళ్, మళయాళం మరియు హిందీలో చిత్రం విడుదల కానుంది.