పద్మావతి పై బాలీవుడ్ లో మరో చిత్రం

Posted: 12/15/2017 06:10 PM IST

బాలీవుడ్ లో ‘పద్మావతి’ చిచ్చు ఇంకా కొనసాగుతూనే ఉంది. రాణి ప‌ద్మావ‌తి జీవిత క‌థ ఆధారంగా బాలీవుడ్ బ్యూటీ దీపికా ప‌దుకునే న‌టించిన ఆ సినిమా విడుద‌లైతే విధ్వంసం త‌ప్ప‌ద‌ని రాజ్‌పుత్ సేన‌లు తీవ్రంగా హెచ్చ‌రిక‌లు చేశారు. ఈ సినిమా ఎప్పుడు విడుద‌ల‌వుతుందో కూడా ఇంత‌వ‌ర‌కు స్ప‌ష్ట‌త రాలేదు.

అయితే, మరో పద్మావతి లైఫ్ కోసం ఇప్పుడు చర్చలు జరుగుతున్నాయి. ‘మై హూ పద్మావతి’ నేనే ప‌ద్మావ‌తి అనే టైటిల్‌తో అశోక్‌ శేఖర్ ఈ సినిమాని నిర్మించ‌నున్నారు. ఇందుకోసం స్క్రిప్ట్ కూడా రెడీ అయిపోయింది. తాజాగా అశోక్‌ శేఖర్ మాట్లాడుతూ 'పద్మావతి' సినిమాలో అవాస్తవాలు చూపించార‌ని, తాము తీయబోయే 'మై హూ పద్మావతి' సినిమాలో నిజాన్ని చూపిస్తామ‌ని ఉద్ఘాటించారు.

జనవరి మధ్య నుంచి ఈ చిత్ర షూటింగ్ రాజస్థాన్ లోనే ప్రారంభం కాబోతుంది. సంజయ్ లీలా భన్సాలీపై విమర్శలు చేసేవాళ్లు ఈ చిత్రానికి మద్ధతు ఇస్తారో లేదో చూడాలి.