మరో పథకానికి బ్రాండ్ అంబాసిడర్ గా అక్షయ్

Posted: 12/06/2017 05:53 PM IST

సాధారణంగా హీరోలు తమ సినిమాల ప్రమోషన్ కోసం సోషల్ మీడియాను విరివిగా వాడుకోవటం చూస్తుంటాం. కానీ, బాలీవుడ్ యాక్షన్ హీరో అక్షయ్ కుమార్ మాత్రం సినిమాల కంటే ఎక్కువగా సామాజిక కార్యక్రమాలకు వాడుతుంటాడు.

గతంలో జవాన్లను ఆర్థిక సాయం అందించటం.. కష్టాల్లో ఉన్న రైతులను ఆదుకోవటం లాంటివి చేసి రియల్ హీరో అనిపించుకున్న అక్షయ్.. సిద్ధాంతాల పరంగా ప్రధాని నరేంద్ర మోదీకి వీరాభిమాని. అందుకే టాయ్ లెట్ సినిమా ద్వారా స్వచ్ఛ్ భారత్ ను ప్రమోట్ చేయటం చూశాం.

ఇప్పుడు మరో ప్రభుత్వ కార్యక్రమం కోసం అక్కీ పాటుపడుతున్నాడు. మ‌నిషి ఆరోగ్య ప‌రీక్ష‌లు చేయించుకుంటున్న‌ట్లు గానే, నేల‌కు కూడా ఎప్ప‌టిక‌ప్పుడు భూసార ప‌రీక్ష‌లు చేయించాల‌ని ప్రచారం చేస్తున్నారు. వ్యవసాయం సంబంధిత ప్రకటనలకు అక్ష‌య్ ను కేంద్రం బ్రాండ్ అంబాసిడర్ గా నియమించింది. దీంతో ఆయన ఓ యాడ్ లో నటించగా.. దానిని అక్కీ తన ట్విట్టర్ లో షేర్ చేశాడు. ఇందుకుగానూ ఆయన పైసా కూడా రెమ్యునరేషన్ తీసుకోలేదని తెలుస్తోంది.

Just like we monitor our health with regular check-ups, the health of soil needs to be checked every two years. More details on soil health card on : https://t.co/oYnvuYiu2W @PMOIndia @RadhamohanBJP @AgriGoI @icarindia #WorldSoilDay #JaiJawanJaiKisan pic.twitter.com/ej0bjAtbBu

— Akshay Kumar (@akshaykumar) December 5, 2017