మహేష్ 25 కాస్త ఆలస్యంగానే...

Posted: 11/24/2017 06:39 PM IST

సూపర్ స్టార్ మహేశ్ బాబు భరత్ అనే నేను షూటింగ్ జెట్ స్పీడ్ తో తెరకెక్కుతోంది. స్పైడర్ సినిమా మూలంగా ఆలస్యం కావటంతో ఈ సినిమా షూటింగ్ లో గ్యాప్ లేకుండా పాల్గొంటున్నాడు. ఈ సినిమా షూటింగ్ కొనసాగుతూ ఉండగానే .. జనవరిలో తన 25వ సినిమాను ప్రారంభించాలని మహేశ్ భావించాడు.

ఈ దిశగా దర్శకుడు వంశీ పైడిపల్లి సెట్స్ వెతుక్కునే పనిలో బిజీగా ఉన్నాడు. అయితే 'స్పైడర్' ఎఫెక్ట్ కారణంగా 'భరత్ అనే నేను' ప్రాజెక్టుపై ప్రత్యేక దృష్టి పెట్టిన మహేశ్ బాబు .. తన తర్వాతి చిత్రంపై ప్రత్యేక శ్రద్ధ పెట్టిన్నట్టుగా సమాచారం. ఈ కారణంగానే హడావిడిగా ఈ సినిమాను మొదలుపెట్టకుండా, 'భరత్ అను నేను' విడుదలైన తరువాతనే 25వ సినిమా షూటింగ్ మొదలుపెట్టబోతున్నాడని సమాచారం.

మహేశ్ కెరియర్ లోను .. అభిమానుల దృష్టిలోను సంఖ్యా పరంగా 25వ సినిమాకి ప్రత్యేకత ఉంటుంది కనుకనే మహేశ్ బాబు ఈ నిర్ణయం తీసుకున్నాడనే టాక్ వినిపిస్తోంది.
దేవీ శ్రీ ప్రసాద్ సంగీతం అందించబోతున్న ఈ చిత్రంలో రకుల్ ను హీరోయిన్ గా తీసుకునే ఫ్లాన్ లో మేకర్లు ఉన్నారు.