అజ్ఞాతవాసి ఆడియో డేట్ ఖరారు

Posted: 11/21/2017 03:21 PM IST

పవర్ స్టార్ పవన్ కళ్యాణ్ 25వ చిత్రం అజ్ఞాతవాసి ఆడియో విషయంలో ఓ స్పష్టత వస్తోంది. ఇప్పటికే చాలా వరకూ చిత్రీకరణను జరుపుకున్న ఈ సినిమా, ఈ నెల 25వ తేదీ నుంచి వారణాసిలో చివరి షెడ్యూల్ షూటింగ్ జరుపుకోనుంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరించనున్నారు.

వచ్చేనెల 15వ తేదీన ఈ సినిమా ఆడియోను రిలీజ్ చేయనున్నారు. ఈ ఫంక్షన్ ను 'అమరావతి'లో జరపడానికి ప్లాన్ చేస్తున్నారనేది తాజా సమాచారం.అయితే ఆ వార్తపై అధికారిక ప్రకటన వెలువడాల్సి ఉంది. ఇక చిత్ర యూనిట్ నార్త్ ఇండియా టూర్ కు వెళ్లే లోపే చిత్ర ఫస్ట్ లుక్ ను విడుదల చేయాలనే ఆలోచనలో మేకర్లు ఉన్నారంట. దర్శక నిర్మాతలు తీసుకున్న ఈ నిర్ణయానికి పవన్ కూడా గ్రీన్ సిగ్నల్ ఇచ్చినట్టుగా సమాచారం.

అనిరుథ్ సంగీతాన్ని అందించిన ఈ సినిమాలో కీర్తి సురేశ్ .. అనూ ఇమ్మాన్యుయేల్ కథానాయికలుగా నటిస్తున్నారు. సంక్రాంతి కానుకగా జనవరి 10వ తేదీన ఈ సినిమా విడుదల కానుంది.