కాజోల్ ట్రోలింగ్ వద్దంటున్న కమల్ హాసన్

Posted: 11/14/2017 06:40 PM IST

సీనియర్ నటుడు కమల్ హాసన్ సోషల్ మీడియాలో ఎంత యాక్టివ్ గా ఉంటాడో తెలియంది కాదు. సామాజిక అంశాలపైనే ఎక్కువగా ఆయన స్పందిస్తూనే ఉంటారు. అలాంటిది బాలీవుడ్ నటి కాజోల్ కు సపోర్టుగా ఆయన చేసిన ఓ ట్వీట్ ఆసక్తికరంగా మారింది.

ఈ నెల 10న 'కోల్ కతా అంతర్జాతీయ చలనచిత్రోత్సవ' వేడుకలు ప్రారంభమైన విషయం తెలిసిందే. ఈ వేడుకల ప్రారంభోత్సవ కార్యక్రమంలో బాలీవుడ్ అగ్రనటుడు అమితాబ్ బచ్చన్, ప్రముఖ నటుడు కమలహాసన్, నటి కాజోల్ తదితరులు పాల్గొన్నారు. అయితే, ఈ సందర్భంగా, అమితాబ్, కమల్ లకు మధ్యలో కాజోల్ నిలబడి ఓ ఫొటో దిగింది. ఈ ఫొటోను తన ట్విట్టర్ లో పోస్ట్ చేసి ‘ఇద్దరు లెజెండ్స్ తో సెల్ఫీ.. ఆనందం పట్టలేకపోతున్నా’ అని కాజోల్ పేర్కొంది.

అయితే, అది ఎవరో తీసిన ఫోటో కావటంతో అభిమానులు ఆమెను ఆటపట్టించడం మొదలెట్టారు. దీంతో వెంటనే రంగంలోకి దిగిన కమల్ హాసన్ ఆమెపై విమర్శలు గుప్పించడం... ఆటపట్టించటం లాంటివి చేయవద్దంటూ కోరారు. ‘దయచేసి, కాజోల్ జీని వదిలేయండి! నాకు సెల్ఫీలంటే అభిమానం లేదు కానీ, వాళ్లిద్దరూ అంటే మాత్రం అభిమానం..’ అంటూ కమల్ ట్వీట్ చేశాడు.

Selfie time with two legends ..... couldn’t resist pic.twitter.com/DaNmcckHe8

— Kajol (@KajolAtUN) November 10, 2017

Please spare Kajolji. I an not a fan of selfies. Though I am a fan of them both. Troll not a kind guesture. pic.twitter.com/lfO3WfXPYB

— Kamal Haasan (@ikamalhaasan) November 12, 2017