ఐష్ ఇంట్లో అగ్ని ప్రమాదం

Posted: 10/24/2017 05:46 PM IST

ప్రముఖ బాలీవుడ్ నటి ఐశ్వర్యరాయ్ బచ్చన్ ఇంట్లో అగ్ని ప్రమాదం సంభవించింది. ముంబైలోని బాంద్రా ప్రాంతంలో ఉన్న అపార్ట్ మెంటులో పెళ్లికాక ముందు ఐశ్వర్య ఉండేది. వివాహానంతరం జుహులోని భర్త నివాసానికి ఐశ్వర్య వెళ్లిపోయింది. ప్రస్తుతం ఆ ఇంట్లో ఆమె తల్లి బృందా రాయ్ ఉంటున్నారు.

ఈ ఉదయం మంటలు ఒక్కసారిగా చెలరేగటం.. సమాచారం అందుకున్న ఫైరింజన్లు అక్కడికి చేరుకుని తీవ్రంగా శ్రమించాయి. మంటలను ఆర్పడానికి ఎనిమిది ఫైరింజన్లు అక్కడికి రావటం విశేషం. ఈ ప్రమాదం గురించి తెలుసుకున్న వెంటనే ఐశ్వర్య, ఆమె భర్త అభిషేక్ బచ్చన్ లు ఆ ప్రాంతానికి చేరుకున్నారు.

ఇక్కడ మరో విశేషం ఏంటంటే... 12వ ఫ్లోర్ లో ఐశ్వర్య తల్లి నివసిస్తుండగా, 10వ ఫ్లోర్ లో సచిన్ టెండూల్కర్ అత్త ఉంటున్నారు. విషయం తెలుసుకున్న మీడియా అక్కడికి చేరుకునే సరికి బచ్చన్ దంపతులుతో సచిన్ అత్త అన్నాబెల్ మెహతాతో ముచ్చటించటం కంటపడింది.