కార్తీ ఖాకీ ట్రైలర్ రిలీజ్

Posted: 10/17/2017 06:53 PM IST

కార్తీ మాస్ ప్రయోగాలు ఈ మధ్య వరుసగా బోల్తా పడుతున్నాయ్. ఈ నేపథ్యంలో 'ధీరమ్ అధిగారం ఒండ్రు' అంటూ సీరియస్ కాప్ సబ్జెక్ట్ తో మన ముందుకు రాబోతున్నాడు. తెలుగులో ఈ చిత్రం 'ఖాకీ' పేరుతో రాబోతుంది కూడా. ఇప్పటి్కే టీజర్ రిలీజ్ కాగా కాసేపటి క్రితం ట్రైలర్ ను కూడా విడుదల చేశారు.

వినోద్ దర్శకత్వం వహించిన ఈ సినిమాలో రకుల్ కథానాయికగా నటించింది. తెలుగు .. తమిళ భాషల్లో ఈ సినిమాను వచ్చేనెలలో విడుదల చేయనున్నారు. లవ్ .. యాక్షన్ దృశ్యాలకి ప్రాధాన్యతనిస్తూ ఈ ట్రైలర్ ను కట్ చేశారు. యాక్షన్ .. ఛేజింగ్ దృశ్యాలలో కార్తీ దుమ్మురేపేస్తున్నాడు. ఈ సినిమాలో ఆయన ఓ పవర్ఫుల్ పోలీస్ ఆఫీసర్ గా కనిపించనున్నాడు.

 

1995 - 2005 మధ్య కాలంలో జరిగిన వరుస హత్యల నేపథ్యంలో.. టోటల్ రియల్ ఘటనల ఆధారంగా ఈ సినిమాను తెరకెక్కించారు. యాక్షన్ థ్రిల్లర్ గా రూపొందిన ఈ సినిమా, తెలుగు .. తమిళ భాషల్లో తనకి తప్పకుండా హిట్ తెచ్చిపెడుతుందనే నమ్మకంతో కార్తీ వున్నాడు.