భారీగా విజయ్ మెర్సల్ రిలీజ్

Posted: 10/12/2017 05:12 PM IST

కోలీవుడ్ స్టార్ హీరో విజయ్ కథానాయకుడిగా నటించిన మెర్సెల్ వచ్చే వారం రిలీజ్ రెడీ అయ్యింది. తెలుగులో అదిరింది పేరుతో పలకరించనుంది కూడా. ఈ చిత్రం కోసం విజయ్ అభిమానులంతా ఆసక్తిగా ఎదురుచూస్తున్నారు. విజయ్ మూడు విభిన్నమైన పాత్రల్లో నటించిన ఈ చిత్రంపై భారీ అంచనాలు ఉన్నాయి.

పైగా భారీ బడ్జెట్ తో.. సుమారు 150 కోట్ల ప్రీ రిలీజ్ బిజినెస్ జరిపిందీ చిత్రం. ఇక పంచాయతీ పెద్దగా, డాక్టర్ గా.. మెజీషియన్ గా ఆయన డిఫరెంట్ లుక్స్ తో కనిపించనున్నాడు. ముఖ్యంగా మ్యాజిక్ పాత్ర కోసం నిజంగానే విదేశాల నుంచి తెప్పించిన మెజీషియన్లతో విజయ్ కు మ్యాజిక్ నేర్పించారంట. నిత్యామీనన్, కాజల్, సమంతలు హీరోయిన్ గా నటిస్తున్నారు. పైగా బాహుబలి రైటర్ విజయేంద్ర ప్రసాద్ చిత్రానికి కథ.. ఏ ఆర్ రెహమాన్ సంగీతం అందించటం విశేషం.

ఇక చిత్రం కోసం సుమారు 3,300 థియేటర్లను బుక్ చేసినట్లు తెలుస్తోంది. గత చిత్రం భైరవ డిజాస్టర్ కావటంతో.. దీపావళికి ఎలాగైనా విజయ్ బ్లాక్ బస్టర్ అందించబోతున్నాడని అభిమానులు ఆశతో ఎదురు చూస్తున్నారు.ఈ నెల 18న మెర్సల్ విడుదల కానుంది. నార్త్ స్టార్ ఎంటర్ టైన్ మెంట్ ఈ చిత్రాన్ని తెలుగులో విడుదల చేయటం విశేషం.