హాలీవుడ్ నిర్మాతపై హీరోయిన్ల సంచలన ఆరోపణలు

Posted: 10/11/2017 12:35 PM IST

హాలీవుడ్ లో మరో సంచలన స్కాండల్ వెలుగులోకి వచ్చింది. హాలీవుడ్‌ ప్రముఖ నిర్మాత, డెమొక్రటిక్ పార్టీ విరాళ దాత హార్వే వెయిన్‌స్టన్‌ గురించి సంచలన ఆరోపణలు వెలువెత్తుతున్నాయి. ఆయన గతంలో తమపై లైంగిక వేధింపులకు పాల్పడ్డాడని టాప్ హీరోయిన్లు ఏంజెలీనా జోలీ, గైనెత్ పాల్ ట్రో పేర్కొన్నారు.

ఇప్పటికే ఆయనపై లైంగిక వేధింపుల ఆరోపణలు వెల్లువెత్తగా.. ఆ సమస్యలను ఆయన కోర్టులో ఒక్కోక్కటిగా ఎదుర్కుంటూ వస్తున్నారు. అయితే మొదటిసారి ఇద్దరు స్టార్ హీరోయిన్లు ఆయనపై ఆరోపణలు చేయటం విశేషం. న్యూయార్కర్‌ అనే మ్యాగజైన్ తొలిసారి ఆ వివరాలను వెల్లడించింది. జోలి, పాల్ ట్రో కూడా ఆ జాబితాలో ఉన్నారని ఆ కథన సారాంశం. పైగా వారిద్దరి ఇంటర్వ్యూలతో కూడిన స్టోరీలను వారు ప్రచురించారు. వెయిన్‌ స్టన్‌ తమ కెరీర్‌ ఆరంభంలో వేధింపులకు పాల్పడి, లైంగిక వాంఛలు తీర్చాలని వేధించాడని వారు అందులో తెలిపారు.

అమెరికాలో పెద్ద పార్టీ అయినా డెమొక్రటిక్‌ కూడా ఇప్పుడు కొత్త సమస్య తలెత్తింది. గతంలో ఆయనపై వచ్చే ఆరోపణలు కూడా గతంలో పార్టీ ఖండించగా.. ఇప్పుడు ఆధారాలతోసహా బయటపడటంతో ఇరకాటంలో పడినట్లయ్యింది. అమెరికా మాజీ అధ్యక్షుడు బరాక్‌ ఒబామా కూతురు మాలియా కూడా ఈయన వద్దే ఇంటర్న్‌షిప్‌ చేస్తుండటం విశేషం.