మహీరా సిగరెట్ ఫోటోను పాక్ కేఫ్ ఎలా వాడిందంటే...

Posted: 09/26/2017 06:44 PM IST

ర‌ణ్‌బీర్ క‌పూర్‌తో క‌లిసి పాకిస్థానీ న‌టి మ‌హీరా ఖాన్ సిగ‌రెట్ తాగుతున్న ఫొటో ఒక‌టి నెట్‌లో హ‌ల్‌చ‌ల్ చేసిన సంగ‌తి తెలిసిందే. గత కొంత కాలంగా వీరి బంధం గురించి పుకార్లు వినిపిస్తున్న నేపథ్యంలో ఈ ఫొటో మీద చాలా మంది వివాదాస్ప‌ద వ్యాఖ్య‌లు కూడా చేశారు. మ‌హీరా అలా కుర‌చ దుస్తులు ధ‌రించి, సిగ‌రెట్ తాగుతూ మతాన్ని కించపరిచిందని ఇలా రకరకాల కామెంట్లు వినిపించాయి.

మ‌రో ప‌క్క పాకిస్థాన్‌లో మహిళలు మాత్రం మహీరాపై తీవ్రంగా మండిపడుతున్నారు. ఈ నేపథ్యంలో కేఫ్ లిక్విటేరియా మాత్రం ఆ వివాదాస్ప‌ద ఫొటోను ఇంకో విధంగా వాడుకుంది. త‌మ పానీయాల ప్రచారం కోసం ఆ ఫొటోలో నుంచి ర‌ణ్‌బీర్‌ను తొల‌గించి మ‌హీరా ఖాన్‌ను మాత్రం వారు ఉప‌యోగించుకున్నారు. మ‌హీరా తాగుతున్న సిగ‌రెట్‌ను కొద్దిగా పొడ‌వు పెంచి స్ట్రా లాగ క‌నిపించేలా చేశారు. ఆ స్ట్రాతో ఆమె త‌మ స్పెష‌ల్ కాఫీని తాగుతున్న‌ట్లుగా చూపించారు.

ఆ ఫొటోను త‌మ ట్విట్ట‌ర్ అకౌంట్లో పోస్ట్ చేయ‌డంతో నెటిజ‌న్లు త‌మ స్పంద‌న‌లు తెలియ‌జేశారు. కొంత మంది ఈ ఐడియాను పొగ‌డ్త‌ల‌తో ముంచేయ‌గా, మ‌రి కొంతమంది మాత్రం `దిగ‌జారిన మార్కెటింగ్ టెక్నిక్‌` అంటూ విమ‌ర్శించారు. ఏదేమైనా ఈ ప్రచార ఫొటో ద్వారా స‌ద్దుమ‌ణిగిన విష‌యాన్ని ఆ కేఫ్ మ‌ళ్లీ తెర మీద‌కి తీసుకువ‌చ్చిన‌ట్లైంది.