బాలయ్య-మహేష్ మల్టీస్టారర్.. అసలు స్టోరీ

Posted: 09/20/2017 10:49 AM IST

ఓ దర్శకుడు బోలెడు కథలు సిద్ధం చేసుకుంటాడు. ఆ నేపథ్యంలో చాలా మంది హీరోలను కలిసి కథలను వినిపిస్తాడు. అలాంటి క్రమంలోనే టాలీవుడ్ లో ఇద్దరు అగ్ర హీరోల మల్టీ స్టారర్ కహానీ పుట్టింది. మహేష్-బాలయ్యతో బోయపాటి ఒక సినిమా చేయనున్నట్టుగా వార్తలు వస్తోన్న నేపథ్యంలో అసలు విషయం ఇదేనని ప్రత్యేకంగా చెప్పాల్సిన అవసరం లేదు కదా.

నిజానికి బాలయ్య 100వ చిత్రం బోయపాటి చేతికి అందినట్లే అంది మిస్సయ్యింది. దీంతో వచ్చే ఏడాదిలో బాలయ్యతో ఖచ్ఛితంగా ఓ సినిమా తీస్తానని అనౌన్స్ చేశాడు. అదే సమయంలో స్టార్ హీరో మహేష్ బాబుతో కూడా ఎప్పటి నుంచో ఓ సినిమా కోసం బోయపాటి చూస్తున్నాడు. ఈ నేపథ్యంలోనే మహేష్ ను కలిసి ఓ స్టోరీ లైన్ వినిపించాడంట. అంతకు ముందే బాలయ్యతో ఓ స్టోరీ గురించి డిస్కస్ చేశాడు.

అంటే ఈ ఇద్దరి హీరోల్లో ముందుగా ఎవరి డేట్స్ దొరికితే వాళ్లతో బోయపాటి సినిమా చేయవచ్చు. కానీ ఆశ్చర్యపోవలసిన విషయం ఏమిటంటే, ఈ ఇద్దరు హీరోలకి బోయపాటి ఒకే కథను వినిపించాడనే వార్తలు చక్కర్లు కొట్టాయి. అయితే ఆ కథనే ఎవరు ఓకే చేస్తే వారితో తీద్దామన్న ఆలోచనతో ఉన్నాడని వినికిడి. ఆ లెక్కన మల్టీస్టారర్ వార్తలు ఉత్తవేనని అనుకోవచ్చు.