జై లవ కుశ.. భారీ రిలీజ్ కు రెడీ

Posted: 09/16/2017 04:43 PM IST

బాబీ దర్శకత్వంలో ఎన్టీఆర్ హీరోగా తెరకెక్కిన 'జై లవ కుశ' చిత్రం విడుదల రెడీ అయ్యింది. చిత్రంకి అన్ని హంగులు పూర్తయిపోవటంతో ఎన్టీఆర్ అభిమానుల్లో ఒకరకమైన ఆత్రుత పెరిగిపోతోంది. ఎన్టీఆర్ మూడు విభిన్నమైన పాత్రలు పోషించిన ఈ సినిమాపై, భారీ అంచనాలు వున్నాయి. ఆ హైప్ కు తగ్గట్లుగానే అత్యధిక థియేటర్స్ లో విడుదల చేయనున్నారు.

ఒక్క హైదరాబాద్ లోనే ఈ సినిమాను 100 థియేటర్స్ లో ప్రదర్శించనున్నట్టు చెబుతున్నారు. దీనిని బట్టి ఎన్టీఆర్ కి గల క్రేజ్ ను .. ఈ సినిమాపై ఆడియన్స్ లో గల ఆసక్తిని అర్థం చేసుకోవచ్చు. నైజామ్ తో పాటు మిగతా ఏరియాల్లోను ఎక్కువ థియేటర్స్ నే తీసుకున్నట్టు తెలుస్తోంది.

మూడు పాత్రల్లో ఎన్టీఆర్ లుక్స్ .. రాశి ఖన్నా .. నివేదా థామస్ గ్లామర్ ఈ సినిమాకి ప్రత్యేక ఆకర్షణ కానున్నాయి. ఈ నెల 21వ తేదీన ఈ సినిమాను ప్రపంచవ్యాప్తంగా విడుదల చేస్తున్నారు.