ఎన్టీఆర్ బయోపిక్ డైరక్టర్ డిసైడ్ కాలేదు: బాలయ్య

Posted: 09/09/2017 03:25 PM IST

వచ్చే ఏడాది ఎలాగైనా స్వర్గీయ నందమూరి తారక రామారావు బయోపిక్ ఉంటుందని తనయుడు బాలకృష్ణ ప్రకటించిన విషయం తెలిసిందే. ప్రస్తుతం స్క్రిప్ట్ పనులు జరుగుతన్నాయని వెల్లడించిన ఆయన లీడ్ రోల్ లో తానే నటిస్తానని చెబుతూ మిగతా టెక్నిషియన్ల విషయంలో మాత్రం ఎలాంటి క్లారిటీ ఇవ్వలేదు.

ఇక వెంటనే సీన్ లోకి దిగిన వర్మ తానే చిత్రానికి దర్శకత్వం వహించబోతున్నానంటూ ఏకంగా ఓ ఆడియో క్లిప్ తో ప్రకటన కూడా ఇచ్చేశాడు. ఈ నేపథ్యంలో బాలయ్య అందుకు అంగీకరించాడా? అంటూ అనుమానాలు మొదలయ్యాయి. కానీ, ఎవరూ కూడా దానిపై బాలయ్య నుంచి క్లారిటీ తీసుకోలేకపోయారు.

ఎన్టీఆర్ మూవీ.. తొందర వద్దు

చివరకు ఓ జాతీయ ఛానెల్ కు ఇచ్చిన ఇంటర్వ్యూలో బాలయ్య డైరక్టర్ అంశంపై స్పందించాడు. అసలు ఇంతవరకు దర్శకుడు ఎవరన్నది నిర్ణయించలేదని, అది తేల్చడానికి మరికొంత సమయం పడుతుందని చెప్పటంతో ఎన్టీఆర్ బయోపిక్ కు వర్మ డైరక్టర్ కాదన్న విషయం దాదాపు కన్ఫర్మ్ అయ్యిందనే అనుకోవచ్చు.