స్పైడర్ ఆడియో ఫంక్షన్ కు రాజమౌళి, శంకర్.. ఆ వార్త నిజం కాదంట!

Posted: 09/06/2017 05:16 PM IST

మహేశ్ బాబును తమిళ ప్రేక్షకులకు పరిచయం చేసేందుకు రంగం సిద్ధమైపోయింది. అదేనండీ స్పైడర్ చిత్ర ఆడియో రిలీజ్ వేడుకకు పనులు ప్రారంభం అయిపోయాయి. సెప్టెంబర్ 9న చెన్నైలో భారీ ఈవెంట్ ను నిర్వహించబోతుంది చిత్ర నిర్మాణ సంస్థ లైకా.

స్పై థ్రిల్లర్ గా తెరకెక్కుతున్న 'స్పైడర్' సినిమా కోసం ఇటు టాలీవుడ్ ప్రేక్షకులు .. మురగదాస్ డైరక్టర్ కావటంతో అటు కోలీవుడ్ ప్రేక్షకులు వేయికళ్లతో ఎదురుచూస్తున్నారు. ఈ నేపథ్యంలో ముందు తమిళ ప్రేక్షకులను ఆకట్టుకునేలా తమిళ ఆడియోనే ముందు రిలీజ్ చేస్తారని సమాచారం. అటుపై తెలుగు వెర్షన్స్ కి సంబంధించిన ఆడియోను రిలీజ్ చేస్తారు.

ఇక చిత్రానికి సంబంధించి బిగ్ న్యూస్ ఏంటంటే.. ముఖ్య అతిథులుగా టాలీవుడ్ నుంచి రాజమౌళిని .. కోలీవుడ్ నుంచి శంకర్ ను ఆహ్వానించారని తెలుస్తోంది. ఇద్దరు డైరక్టర్లతో ఈ చిత్రం ఆడియోను లాంఛ్ చేయించబోతున్నారని ఇదివరకే చెప్పుకున్నాం. మహేశ్ బాబు కోసం రాజమౌళి .. లైకా ప్రొడక్షన్స్ వారితో గల అనుబంధం(2.0 నిర్మాతలు కూడా వాళ్లే) కారణంగా శంకర్ ఈ ఫంక్షన్ కి వెళ్లడానికి అంగీకరించారంట. తెలుగు ప్రేక్షకుల కోసం హైదరాబాద్ లోను ప్రీ రిలీజ్ ఈవెంట్ ను ఏర్పాటు చేయబోతున్న విషయం తెలిసిందే.

Rajamouli and Shankar for SPYder Audio

లీకేజీ వార్తలపై మేకర్లు...

చిత్రంలోని కొన్ని సన్నివేశాలతోపాటు సాంగ్ కూడా లీక్ అయ్యిందంటూ వార్తలు వచ్చాయి. దీనిపై చిత్ర యూనిట్ స్పందించింది. ఆ వార్తలంతా రూమర్లేనని కొట్టి పడేసింది. చిత్రంపై వస్తున్న లీకేజీ వార్తలు అవాస్తవం. చాలా పక్కగా పనులు జరుగుతున్నాయి అని లైకా సంస్థ ఓ జాతీయ మీడియాకు ఇంటర్వ్యూలో తెలిపింది.

సెప్టెంబర్ 27న స్పైడర్ గ్రాండ్ గా రిలీజ్ కాబోతుంది.