ధనుష్ వైఫ్ కి ప్రాబ్లమేంటి?

Posted: 08/19/2017 05:03 PM IST

కోలీవుడ్ లో ధనుష్ వీఐపీ 2 హవా కొనసాగుతోంది. పెద్ద సినిమాలేవీ లేకపోవటంతో యావరేజ్ టాక్ వచ్చిన సినిమా కలెక్షన్లు కుమ్ముకుంటోంది. మొదటి వారంలో 25 కోట్లు వసూలు చేసిన ఈ చిత్రం ఈ వారం అదే దూకుడు కొనసాగిస్తోంది. ఈ క్రమంలో సక్సెస్ మీట్ లతో, ఇంటర్వ్యూలతో ధనుష్ సందడి చేస్తున్నాడు. అయితే ఈ సినిమాకు ఓ ఫీడ్ బ్యాక్ మాత్రం ఇంకా రాకపోవటం తమిళనాట చర్చనీయాంశంగా మారింది.

నిర్మాణ సమయంలో ఉండగా ఈ సినిమా గురించి ధనుష్ భార్య, సౌందర్య సోదరి ఐశ్వర్య తెగ మాట్లాడేసింది. అయితే, ఈనెల 11వ తేదీన ఈ సినిమా తమిళనాట విడుదలై .. యావరేజ్ టాక్ తెచ్చుకుంది. ఈ సినిమా విడుదలైన దగ్గర నుంచి ఐశ్వర్య ఒక్క మాట కూడా మాట్లాడకపోవడం అభిమానులకు ఆశ్చర్యాన్ని కలిగిస్తోంది. ఈ సినిమా గురించి ఆమె ట్విట్టర్ లో కూడా ప్రస్తావించకపోవడం అయోమయానికి గురిచేస్తోంది.

రజనీ కూడా ఈ సినిమాపై ప్రశంసలు కురిపించాడు. ఈ నేపథ్యంలో ఈ సినిమా ఆమెకి నచ్చలేదా? లేదంటే ఆమె సైలైంట్ అయిపోవడం వెనుక మరేదైనా కారణముందా? అనేది నెటిజన్ల మధ్య చర్చకు తెరతీసింది. సూపర్ స్టార్ ఫ్యామిలీలో తరచూ ఇలాంటి మనస్పర్థలు రావటం, వాటి గురించి ఫ్యాన్స్ తెగ చర్చించుకోవటం అక్కడ పరిపాటిగా మారింది.