అనసూయ ఆ సినిమాలో ఒప్పుకుందా?

Posted: 07/22/2017 04:46 PM IST

తాను జస్ట్ బుల్లితెరకే పరిమితం కాదని.. అవసరమైతే సినిమాల్లో కూడా రాణించగలనని ఎప్పటికప్పుడు ఫ్రూవ్ చేసుకుంటూ వస్తోంది హాట్ యాంకర్ అనసూయ. గ్లామర్ ఒక్కటే తన ఆయుధం కాదని క్షణంలో ఫెర్ ఫార్మెన్స్ తో నిరూపించుకుంది. అయితే ఆ ఊపులో ఏ సినిమా పడితే దాన్ని ఒప్పుకోవటం లేదు. నచ్చిన పాత్రలు వెతుక్కుంటూ వచ్చినప్పుడల్లా ఆమె వెండితెరపై మెరుస్తూనే వుంది.

ఈ సినిమా తరువాత ఆమె మరో క్రేజీ ప్రాజెక్టుకు ఆమె పిలుపు వచ్చింది. మంచు బ్యానర్ లో త్వరలో రాబోతున్న ఓ సినిమాలో నటించేందుకు అనసూయను సంప్రదించారంట. మోహన్ బాబు కీలకమైన పాత్రను పోషిస్తుండగా, విష్ణు హీరోగా నటిస్తున్నాడు. పెళ్లైన కొత్తలో దర్శకుడు మదన్ ఈ చిత్రానికి దర్శకత్వం వహించబోతున్నాడని తెలుస్తోంది.

సినిమా ఓ రొమాంటిక్ జోనర్ లోనే తెరకెక్కబోతుందని తెలుస్తోంది. అయితే తనది ఇంపార్టెంట్ రోల్ కావటంతో అనసూయ హ్యాపీగా గ్రీన్ సిగ్నల్ ఇచ్చేసిందని అంటున్నారు. త్వరలోనే పూర్తి వివరాలతో పాటు, ఈ విషయం పై అధికారిక ప్రకటన వెలువడనుంది. ఇది కాకుండా ప్రస్తుతం చరణ్ - సుకుమార్ కాంబినేషన్లో సినిమాను చేస్తోంది.