మరో వివాదంలో బాబాయ్ .. విప్పుకుని తిరుగుతే... అంటూ కామెంట్స్

Posted: 07/17/2017 11:11 AM IST

మహిళలు పక్కలోకి మాత్రమే పనికొస్తారంటూ కామెంట్లు చేసి మహిళా సంఘాల చేత చివాట్లు తిన్నాడు సీనియర్ నటుడు చలపతి రావు. రా రండోయ్ వేడుక చూద్దాం ఆడియో వేడుకలో యాంకర్ అడిగిన ఓ ప్రశ్నకు ఆయన సమాధానం అవాక్కయ్యేలా చేయటమే కాదు, ఓ రేంజ్ లోనే రచ్చ రచ్చ చేసిపడేసింది. చివరాఖరకు క్షమాపణలు చెప్పటంతో ఇష్యూ సైలెంట్ అయిపోయింది. అయితే ఆ వేడి ఇంకా తగ్గకముందే మళ్లీ అలాంటి వ్యాఖ్యలే చేసి అడ్డంగా బుక్కయ్యారాయన.

ఓ యూట్యూబ్ ఛానెల్ కోసం ఇచ్చిన ఇంటర్వ్యూలో అమ్మాయిల వస్త్రాధారణపై ఆయన చేసిన కామెంట్లు పెను దుమారంను రేపుతున్నాయి. అమ్మాయి పెద్దమనిషి అయ్యాక ఓనీ అనే ఓ సాంప్రదాయం ఛాతీ కప్పుకోవటానికి సృష్టిస్తే.. దానిని వదిలేసి నడుముకు, మెడకు, తలకు చుట్టుకుంటూ తిరుగుతున్నారు. పైగా రెచ్చగొట్టే బట్టలతో కుర్రాళ్లతో కామెంట్లు చేయించుకుంటున్నారంటూ తెలిపాడు. ఏదైనా సలహా ఇస్తే పెద్దొడు, చాదస్తం మాట్లాడుతుంటాడు అని కొట్టి పడేస్తారన్నాడు.

 

ప్రజాస్వామ్యంలో మాట్లాడే హక్కు అందరికీ ఉంటుంది. మీ కల్చర్ మీ ఇష్టం అన్నప్పుడు వాళ్లు చేసే కామెంట్లను భరించాల్సిన అవసరం కూడా ఉంటుంది. అలా కాదంటారా? వాళ్లతో ఎదురించి పోరాడండి. కానీ, అలా ఎందరితో పోరాడతారంటూ ప్రశ్నించాడు. మరి చలపతి బాబాయ్ చేసిన డ్రెస్సింగ్ వ్యాఖ్యలు ఇంకెంత దుమారం రేపుతాయో చూడాలి మరి.