కన్నడ హీరోయిన్ రమ్య సీక్రెట్ మ్యారేజ్

Posted: 07/15/2017 09:51 AM IST

Sandalwood actor ramya barna marries secretly

శాండల్ వుడ్ లో షాకింగ్ న్యూస్ ఒకటి హల్ చల్ చేస్తోంది. ప్రముఖ కన్నడ నటి రమ్య వివాహం చేసుకుందన్న మీడియా కథనాలు చర్చనీయాంశంగా మారాయి. సైలెంట్ గా ప్రేమ వ్యవహారం నడిపి ఆపై ఆమె అంతే సీక్రెట్ పెళ్లి చేసేసుకుందంటూ తెలిపాయి. అయితే అంతే వేగంగా ఆ న్యూస్ నిజమేనంటూ స్వయంగా రమ్య పెళ్లి వార్తను ధృవీకరించింది.

పలు కన్నడ సినిమాల్లో హీరోయిన్ గా, స్టార్ల సినిమాల్లో సపోర్టింగ్ రోల్స్ లో నటించిన రమ్య బర్నా గత కొంత కాలంగా సినిమాలు ఓకే చేయకుండా ఇండస్ట్రీకి దూరంగా ఉంటూ వస్తోంది. ఫహాద్ అలీఖాన్ అనే వ్యాపారవేత్తతో ఆ మధ్య ప్రేమాయణం నడుపుతుందంటూ ఆ మధ్య పుకార్లు రాగా, అబ్బే అలాంటిదేం లేదని ఖండించింది కూడా. ఫహాద్ జేడీఎస్ బహిష్కృత ఎమ్మెల్యే జమీర్ అహ్మద్ మేనల్లుడు. వయసులో రమ్య కంటే రెండేళ్ల చిన్నవాడు కూడా.

మే 29నే బెంగళూరులోని శివాజీనగర్ లో రిజిస్ట్రార్ కార్యాలయంలో రహస్య వివాహం చేసుకున్నట్టు ఆమె పేర్కొంది. రమ్య తల్లికి ఆరోగ్యం బాగోలేనందునే సింపుల్ గా రిజిస్ట్రర్ పెళ్లి చేసుకున్నానని, రిసెఫ్షన్ గ్రాండ్ గా అందరి సమక్షంలో నిర్వహిస్తామని దంపతులు తెలిపారు. ఆమె చివరి చిత్రంగా చెప్పుకుంటున్న టాస్ రిలీజ్ కు రెడీ అవుతుండగా, ప్రమోషన్లలో ఆమె పాల్గొనకపోవటంపై అనుమానాలు వ్యక్తం కాగా, ఇప్పుడు అది తీరిపోయింది. కాగా, 2008 లో హని హని ద్వారా ఆరంగ్రేటం చేసిన రమ్య పునీత్ రాజ్ కుమార్ లాంటి స్టార్ హీరోల సినిమాల్లో కూడా నటించి, బెస్ట్ సపోర్టింగ్ రోల్ కింద అవార్డును గెలుచుకుంది.