సినిమాలో మిస్టర్ చీఫ్ మినిస్టర్.. ఎలాంటి రోల్?

Posted: 06/22/2017 12:19 PM IST

Chief minister siddaramaiah in reel life

తన చేష్టలతో, నిర్ణయాలతో నిత్యం వార్తల్లో నిలిచే కర్ణాటక ముఖ్యమంత్రి సిద్ధరామయ్య కొత్త అవతారం ఎత్తబోతున్నాడు. త్వరలో ఆయన ముఖానికి మేకప్ వేసుకుని ఓ సినిమాలో నటించబోతున్నాడు. అయితే అందుకోసం ఆయన రీల్‌ సీఎంగా మారబోతున్నాడని సమాచారం. కన్నడ యంగ్ లేడీ డైరక్టర్ కవితా లంకేశ్‌ ‘సమ్మర్‌ హాలిడేస్‌’ పేరుతో ఓ సినిమా తీయబోతుంది. కన్నడతోపాటు ఇంగ్లీష్ లోనూ అది తెరకెక్కిస్తుందంట. ఇందులో సీఎం పాత్రలో ఆయన నటించనున్నారని ప్రకటించింది

ఎలాంటి అభ్యంతరకర సన్నివేశాలు లేవన్న హామీ మీదే ఆయన నటించేందుకు అంగీకరించారని ఆమె తెలిపారు. ఆ వార్త నిజమేనంటూ సీఎం కార్యాలయం కూడా స్పందించింది. ఇప్పటికే ఈ సినిమాకు సంబంధించిన 80% షూటింగ్‌ పూర్తయిందని, కేవలం సీఎంపై చిత్రీకరించాల్సిన సన్నివేశాలు మాత్రమే మిగిలి ఉన్నాయని, సీఎం ఎప్పుడు అపాయింట్ మెంట్ ఇస్తే అప్పుడే చిత్రీకరణ జరుపుతామని కవిత తెలిపింది.

ఇక రామయ్య కాలేజీ రోజుల్లో సరదాగా నటించేవారంట. నటనపై ఆయనకు చాలా మక్కువ ఉందని, ఆ మక్కువతోనే ఆయన ఈ సినిమాలో నటించేందుకు అంగీకరించారని కుటుంబ సభ్యులు తెలిపారు. చిన్నపాత్రే అయినా మాంచి ఇంపాక్ట్ ఉంటుందని చిత్ర యూనిట్ చెబుతోంది. కాగా, కవిత పాపులర్ కన్నడ రైటర్ దర్శకుడు అయిన లంకేశ్ కూతురు. సెలవుల్లో ఓ నలుగురు పిల్లలు చేసిన హంగామా మీదే ఈ సినిమా ఉండబోతుందని తెలుస్తోంది.