హీరో సుశాంత్ తండ్రి గుండెపోటుతో మృతి

Posted: 05/18/2017 12:08 PM IST

అక్కినేని ఫ్యామిలీలో మరో విషాదం చోటు చేసుకుంది. దివంగత నటుడు నాగేశ్వర రావు కూతురు, నాగార్జున సోదరి అయిన నాగ సుశీల భర్త సత్యభూషణ రావు గుండెపోటుతో మృతి చెందాడు. గురువారం ఉదయం ఆయన చనిపోయినట్లు బంధువులు తెలిపారు. దీంతో ఆ ఇంట విషాద ఛాయలు అలుముకున్నాయి.

నాగేశ్వరరావు రెండో కుమార్తె అయిన నాగ సుశీలకు అనుమోలు సత్య భూషణ రావుకు వివాహం చేశారు. వీరికి ఇద్దరు కూతుళ్లు సంగీత , లక్ష్మీ సాహిత్య, సుశాంత్ అనే కొడుకు ఉన్నారు. సుశాంత్ కాళిదాసు, కరెంట్, ఆటాడుకుందాం రా చిత్రాలతో సుపరిచితుడే.

కాగా, సత్యభూషణ మరణ వార్త తెలియగానే పలువురు సినీ ప్రముఖులు వారి ఇంటికి పయనమయ్యారు.