సమంతతో చాట్ పోస్ట్ చేసిన నాగ్

Posted: 05/18/2017 11:31 AM IST

తొందరగా ఇంటి పేరు మార్చేసుకోవాలని ఉబలాటపడుతున్న నటి సమంత షూటింగ్ లేకపోతే మాత్రం వీలైనంత ఎక్కువ సమయం అక్కినేని ఫ్యామిలీతోనే గడుపుతోంది. సందు దొరికినప్పుడల్లా ఉబ్బి నాగ చైతన్య, మరిది అఖిల్ లపై ప్రేమలు కురిరిస్తూ సెల్ఫీల రూపంలో వాటిని వ్యక్తం చేస్తోంది. మరి మామ నాగార్జున ఈవిడగారి రిలేషన్ ఎలా ఉంటుందా? అన్న ఆలోచన మైండ్ లో మెదలొచ్చు. దానికి ఇక్కడ ఆన్సర్ దొరికేసింది.

నాగచైత‌న్య హీరోగా కల్యాణ్‌ కృష్ణ దర్శకత్వంలో తెర‌కెక్కుతున్న ‘రారండోయ్‌ వేడుక చూద్దాం’ సినిమా ట్రైల‌ర్ ఇటీవ‌లే విడుద‌లైన విష‌యం తెలిసిందే. ఈ ట్రైల‌ర్ శామ్ కు బాగా న‌చ్చేసింద‌ట‌. ఈ విష‌యాన్ని త‌న మామ‌య్య అక్కినేని నాగార్జునకు వాట్సాప్ ఛాటింగ్ లో తెలిపింది. త‌న కోడ‌లు త‌న‌తో చేసిన ఆ ఛాటింగ్‌ను నాగార్జున త‌మ అభిమానుల‌తో పంచుకున్నారు. ‘ట్రైలర్‌ చాలా నచ్చింది, ఆయ‌న చాలా బాగున్నారు.. నేను ఎంతో సంతోషంగా ఉన్నాను.. థ్యాంక్యు’ అని అందులో స‌మంత పేర్కొంది.

ఆ ఛాటింగ్ స్క్రీన్ షాట్ ను నాగ్ తన ట్విట్టర్ ఖాతాలో మై దిల్ అంటూ పోస్ట్ చేశాడు నాగ్. ‘అమ్మాయి మనశ్శాంతికి హానికరం’ అనే డైలాగ్, ఫ్యామిలీ ఆడియన్స్ కావాల్సిన ఎలిమెంట్స్ ట్రైలర్ లో బాగానే కనిపిస్తున్నాయి. ఈ నెలఖారులోనే చిత్రం ప్రేక్షకుల ముందుకు వచ్చే ఛాన్స్ ఉంది.

Thanks for the fantastic response to the theatrical trailer of #RaRandoiVedukaChuddam / this is the reaction of my dil @Samanthaprabhu2 pic.twitter.com/U3JRTCLPxy

— Nagarjuna Akkineni (@iamnagarjuna) May 17, 2017