మాజీ భర్తపై విజయ్ కూతురు దాడి.. కూతురి కిడ్నాప్

Posted: 05/18/2017 11:09 AM IST

సీనియర్ నటుడు విజయ్ కుమార్, నటి మంజుల కుటుంబ పర్సనల్ వ్యవహారాలు మరోసారి రోడ్డెక్కాయి. వారి కుమార్తె, నటి వనిత పై పోలీస్ కేసు నమోదైంది. తన నుంచి కుమార్తెను బలవంతంగా కిడ్నాప్ చేసి లాక్కెల్లిందని మాజీ భర్త రాజన్ ఆనంద్ హైదరాబాద్ ఆల్వాల్ పోలీస్ స్టేషన్ లో ఫిర్యాదు చేశాడు.

2007 లోఆనంద్ ను రిజిస్ట్రర్ వివాహం చేసుకున్న వనిత మూడేళ్లకే అతనితో విడాకులు తీసుకుంది. ఇదిలా ఉంటే విడాకుల సమయంలో కూతురు జెనీతను తండ్రి ఆనంద్ కే అప్పగించాలని కోర్టు తీర్పు ఇచ్చింది. ఒకవేళ కూతురిని చూడాలనుకుంటే కోర్టు అనుమతితో వెళ్లి చూడొచ్చని వనితకు సూచించింది.

అయితే వాటిని బేఖాతరు చేసిన వనిత ఏప్రిల్ చివర్లో కొందరు దుండగులతో తన ఇంటిపై దాడి చేసి ఎనిమిదేళ్ల కూతురిని బలవంతంగా లాక్కెల్లిందంట. ఇంతకాలం ఆమె జాడ కోసం ట్రై చేసిన ఆనంద్ చివరకు పోలీసులను ఆశ్రయించాడు. ఆనంద్ వనితకు రెండో భర్త కాగా, అంతకు ముందు ఆకాశ్ అనే వ్యక్తిని 2000 లో పెళ్లి చేసుకుని, 2005 లో విడాకులు ఇచ్చేసింది. ప్రస్తుతం కొరియోగ్రఫర్ రాబర్ట్ తో ప్రేమయాణం కొనసాగిస్తుందనే టాక్ ఉంది.