రజనీ అభిమానులకు ఇంపార్టెంట్ కండిషన్

Posted: 05/13/2017 02:17 PM IST

Fans who wants to meet rajini remind this

సుమారు 8 ఏళ్ల తర్వాత సూపర్ స్టార్ రజనీకాంత్ తన అభిమానులతో సమావేశం కాబోతున్నాడు. అసలు అంతకు ముందు సినిమాకు ముందు ఫ్యాన్స్ ను కలవటం రజనీ ఆనవాయితీగా పాటిస్తూ వచ్చేవాడు. అయితే అనారోగ్య సమస్యలతో కొంత కాలంగా ఆ పని చేయటం లేదు. చాలా గ్యాప్ తర్వాత తలైవాను కలిసే అవకావం రావటంతో ఉబ్బితబ్బిబి అవుతున్నారు. కానీ, ఈ మీటింగ్ హాజరు కావాలంటే మాత్రం ఓ కండిషన్ కూడా తప్పక పాటించాల్సి ఉంటుంది.

ప్రస్తుతం జిల్లాల వారీగా అభిమానులకు ఐడీ కార్డులను పంచుతోంది అఖిల ఇండియా రజనీకాంత్ తలైమై రసిగర్ మంద్రం అనే సంఘం. వీటిని ఎవరైతే ధరించి వస్తారో వారిని మాత్రమే మీటింగ్ కు అనుమతిస్తారు. అంతేకాదు రజనీతో వారు ఫోటో దిగేందుకు కూడా అనుమతిస్తారు. ఐడీ మిస్సయితే మాత్రం ఇక అంతే. లోపలికి కనీసం అలో కూడా చేయరని ఓ ప్రకటనలో ఆ సంఘం పేర్కొంది.

ఇక చాలా గ్యాప్ తర్వాత జరుగుతున్న సమావేశం కావటంతో రాజకీయ కోణంలో కూడా చర్చ జరిగే అవకాశం లేకపోలేదు. వారి ఒత్తిడితోనైనా సూపర్ స్టార్ రాజకీయాల్లోకి వస్తాడేమో చూడాలి మరి. 15 నుంచి 19 దాకా చెన్నైలోని రాఘవేంద్ర కళ్యాణ మండపంలో ఈ భేటీ జరగనుంది.

రజనీ, ధనుష్ కి నోటీసులు...

సూపర్ స్టార్ రజనీకాంత్, కబాలి దర్శకుడు పా రంజిత్ తో మరోసారి జత కడుతున్న విషయం తెలిసిందే. ముంబై డాన్ రోల్ నేపథ్యంలో ఈ సినిమా తెరకెక్కబోతుందని టాక్. రజనీ అల్లుడు ధనుష్ సినిమాకు నిర్మాత. అయితే ముంబై రెండు దశాబ్దాలపాటు గడగడలాడించిన స్మగ్లర్ హజి మస్తాన్ లైఫ్ పైనే ఈ చిత్రం ఉండబోతుందని కొంత కాలంగా టాక్ నడుస్తోంది. దావూద్ అనుచరుడిగా హజి దందాలు నడిపాడని పోలీసుల ఆరోపణ.

దీనిపై నేషనల్ మీడియాలో ఆసక్తికర కథనాలు వెలువడ్డాయి. హజి కొడుకు దత్తత సురేందర్ శేఖర్ ఈ విషయంపై రజనీ అండ్ ధనుష్ కు నోటీసు పంపించాడని, తన తండ్రి ప్రస్తావన వస్తే మాత్రం పరిస్థితులు దారుణంగా ఉంటాయని హెచ్చరించినట్లు పేర్కొన్నాయి. దీనిపై రజనీగానీ, ధనుష్ తరపు నుంచి గానీ ఇంకా ప్రకటన రాలేదు. త్వరలోనే ఈ చిత్రం షూటింగ్ ప్రారంభం కాబోతుండగా, ఓ బాలీవుడ్ హీరోయిన్ రజనీకి జోడిగా నటిస్తుందని టాక్.