బాహుబలి-2 పై కోలీవుడ్ దర్శకుడి వ్యాఖ్యలు

Posted: 05/12/2017 03:05 PM IST

Kollywood director comments on baahubali 2

1200 కోట్ల కలెక్షన్లతో దూసుకుపోతున్న రాజమౌళి విజువల్ వండర్ 'బాహుబలి-2' అఖండ విజయం సాధించడంతో దేశం మొత్తం నీరాజనాలు పడుతున్న సంగతి చూస్తున్నాం. హాలీవుడ్ మీడియా, బాలీవుడ్, సీనియర్ దర్శక దిగ్గజాలు ఇలా అంతా ప్రశంసలు కురిపిస్తున్నారు. అయితే కొంత మంది మాత్రం తమ కుళ్లును బహిరంగంగానే వ్యక్తపరుస్తున్నారు. ఓ ప్రాంతీయ భాషా చిత్రం ఇంతటి ఘన విజయం సాధించడమే వారిని ఇలా తీవ్ర నిరాశలోకి నెట్టేసిందనుకోవచ్చు.

కన్నడ, కేరళలో వస్తున్న కలెక్షన్ల భీభత్సం పై కొందరు అక్కసు వెల్లగక్కాగా, ఇప్పుడు కోలీవుడ్ కు కూడా ఆ సెగ తాకింది. అక్కడ వంద కోట్ల కలెక్షన్లు కొల్లగొట్టడంతో దర్శక నిర్మాతలు తీర్మానాలు చేసుకుంటున్నారు. నా ఆటోగ్రాఫ్ స్వీట్ మెమొరీస్ దర్శకుడు చెరన్ అయితే ఓపెన్ గా కామెంట్లు చేసేశాడు. బాహుబలి-2 ను బీట్ చేసేలా భారీ చిత్రాలు తీయాలంటూ తోటి వారికి పిలుపునిచ్చాడు. మన దగ్గర ఎన్నో కథలు ఉన్నాయి. పౌరాణిక గాథలకు మనం పెట్టింది పేరు. తలుచుకుంటే బాహుబలిని మించే ప్రాజెక్టు తీయొచ్చు అంటూ వ్యాఖ్యలు చేశాడు.

అయితే ఈ ప్రాజెక్టు ప్రేరణతో దేశంలో బోలెడన్ని క్రేజీ ప్రాజెక్టులు రూపొందించేందుకు పలువురు ముందుకు వచ్చిన విషయం తెలిసిందే. అయినప్పటికీ బాహుబలిని ఆదర్శంగా తీసుకుని అన్న కోణంలో కాకుండా మనమేం తక్కువ అన్న చందాన ఈ టాలెండెడ్ దర్శకుడు చేసిన కామెంట్లు అక్కడి దర్శకుల మైండ్ సెట్ ఎలా ఉందో తెలియజేస్తున్నట్లేగా...