ఫ్యాన్స్ కి మహేష్ సీరియస్ రిక్వెస్ట్

Posted: 03/30/2017 01:20 PM IST

సూపర్ స్టార్ మహేష్ బాబు మరోసారి మాట తప్పటంతో ఫ్యాన్స్ తీవ్ర నిరాశలో ఉన్నారు. మురగదాస్ కాంబోలో చేస్తున్న మూవీ ఫస్ట్ లుక్ ఉగాదికి రిలీజ్ చేయబోతున్నట్లు స్వయంగా ఓ ఈవెంట్ లో మహేషే ప్రకటించాడు. ఎప్పటికప్పుడు ఫస్ట్ లుక్, టైటిల్ విషయంలో నిరాశకు గురవుతూ వస్తున్న అభిమానులు ఆ మాటతో హ్యాపీగా ఫీలయ్యారు.

అయితే తనకేం పట్టనట్లుగా ఫేస్ బుక్ లో ఉగాది విషెస్ చెబుతూ ఓ పోస్ట్ పెట్టాడు. మరోవైపు టీం తరపు నుంచి కూడా ఎలాంటి స్పందన లేదు. దీంతో సూపర్ స్టార్ కి ఫ్యాన్స్ ఫీలింగ్ తో పని లేదని, మరోసారి హ్యాండిచ్చాడంటూ కామెంట్లు పడ్డాయి. ఇక పరిస్థితి చేజారుతుందని గమనించిన మహేష్ ట్విట్టర్ లో రియాక్ట్ అయ్యాడు. చిత్ర యూనిట్ అంతా రాత్రింబవళు కష్టపడుతున్నామని, అభిమానులు కాస్త ఓపిక పట్టాలంటూ అందులో పేర్కొన్నాడు. అతి త్వరలోనే ఫస్ట్ లుక్ వచ్చేస్తుందని ట్వీట్ చేశాడు.

అయితే మూవీ రిలీజ్ కు ఇంకా మూడు నెలల టైం ఉండటంతో ఇప్పటి నుంచే హడావుడి మొదలుపెడితే తప్ప భారీ బిజినెస్ అయ్యే ఛాన్స్ లేదని సినీ ట్రేడ్ విశ్లేషకులు చెబుతున్నారు. మరోవైపు యాక్షన్ సీక్వెన్స్ కోసం వియత్నాం షూటింగ్ లో బిజీ ఉన్న చిత్ర యూనిట్ ఏప్రిల్ 2న ఇండియాకు తిరిగి రానుంది. లేట్ కి కారణాలేంటో తెలీయనప్పటికీ మొత్తానికి చిత్ర యూనిట్ నుంచే అఫీషియల్ అనౌన్స్ మెంట్ వచ్చేదాకా ఆగి తీరాల్సిందే. స్టైలిష్ ఎంటర్ టైనర్ తెరకెక్కుతున్న ఈ చిత్రంలో మహేష్ ఐబీ ఆఫీసర్ గా, రకుల్ హీరోయిన్ గా నటిస్తున్న విషయం తెలిసిందే.

 

To all my dearest fans, I know you have been eagerly waiting for the first look of #Mahesh23. Our team is shooting day & night for the film.

— Mahesh Babu (@urstrulyMahesh) March 30, 2017

The first look will be out very soon...Requesting you all to be a little patient. Love you guys as always :)

— Mahesh Babu (@urstrulyMahesh) March 30, 2017