నిర్మాత కళ్యాణ్ తనయుడిపై దొంగతనం కేసు

Posted: 03/24/2017 01:11 PM IST

టాలీవుడ్ సీనియర్ నిర్మాత సీ కళ్యాణ్ తనయుడు వరుణ్ కుమార్ చోరీ కేసులో బుక్కయ్యాడు. హైదరాబాద్ కి చెందిన ఓ బడా వ్యాపారవేత్త పర్స్ ను దొంగిలించి, అందులోని కార్డులను యథేచ్ఛగా వాడాడన్న ఆరోపణలతో అతనిపై కేసు నమోదయ్యింది.

ఫిల్మ్ నగర్ క్లబ్ లో తన తనయుడితో సదరు వ్యాపారవేత్త స్విమ్మింగ్ కు వచ్చాడు. ఆ సమయంలో తన దుస్తులతోపాటు పర్స్ ను ఓ టేబుల్ పై ఉంచి వెళ్లాడు. ఇదే అదనుగా భావించి ఎవరో ఆ పర్స్ ను కొట్టేశారు. గంట తర్వాత ఒక కార్డు నుంచ లక్షా ఎనభై వేలు, మరో కార్డు నుంచి 27 వేలు ఒక అకౌంట్ లోకి ట్రాన్స్ ఫర్ అయ్యాయి. దీంతో ఆయన పోలీసులకు ఫిర్యాదు చేశాడు.

విచారణలో సీసీ పుటేజీలో వరుణే దొంగతనం చేసినట్లు క్లియర్ గా స్పష్టం అయ్యింది. అంతేకాదు డబ్బు ట్రాన్స్ ఫర్ అయిన అకౌంట్ కూడా అతనిదే అని తేలటంతో కేసు నమోదయ్యింది. నిర్మాతగానే కాదు, సౌత్ ఇండియన్ ఫిల్మ్ ఛాంబర్ ఆఫ్ కామర్స్ కి ప్రెసిడెంట్ గా సీ కళ్యాణ్ సుపరిచితుడే.