బాహుబలి, బన్నీపై కైకాల కామెంట్స్

Posted: 02/24/2017 09:05 AM IST

Kaikala satyanarayana comments on baahubali and bunny

భారీ బడ్జెట్ తో నిర్మితమై హాట్ టాపిక్ గా మారిన బాహుబలి ఆ తర్వాత ఎలాంటి ప్రభంజనం సృష్టించిందో ప్రత్యేకంగా చెప్పాల్సిన అవసరం లేదు. టాలీవుడ్ గ్రాండియర్ హాలీవుడ్ స్థాయికి రిచ్ అవుతుందని బహుశా ఏ తెలుగు వాడు ఊహించి ఉండడేమో. అదే ఊపుతో రెండో పార్ట్ పై కూడా అంతకు మించి అంచనాలు నెలకొన్నాయి కూడా.

అయితే మొదటి నుంచి సీనియర్ల నుంచి బాహుబలిపై వ్యతిరేకత వ్యక్తం అవుతూనే ఉంది. జమున లాంటి కొందరు అయితే బహిరంగంగానే కామెంట్లు చేశారు కూడా. ఇక ఇప్పుడు మరో సీనియర్ నటుడు బాహుబలిపై షాకింగ్ స్టేట్ మెంట్ ఇచ్చాడు. అసలు బాహుబలి వల్ల ఎవరికి ఉపయోగం అంటూ వ్యాఖ్యానించాడు కైకాల సత్యనారాయణ. ఓ మెసేజ్ లేదు.. పైగా రెండు, మూడు లైన్లతో అనుకున్న కథ. కేవలం గ్రాఫిక్స్ అనే హంగుల మీద ఆధారపడి వచ్చిందంతే.. అంటూ తెలిపాడు. అనవసరమైన ఖర్చులు తప్పించి దాని వల్ల ఎవరికీ ఏం ఉపయోగం లేకుండా పోయిందని వ్యాఖ్యానించాడు. పనిలో పనిగా బిచ్చగాడు ప్రస్తావన కూడా తీసుకొచ్చాడు ఆయన.

ఇక ఇండస్ట్రీలో సీనియర్లను సంస్కృతి కనుమరుగైపోతుందన్న ఆయన చిరు 150 ప్రీమియర్ కు పిలవకపోవటంపై అసంతృప్తి వ్యక్తం చేశాడు. అదే సమయంలో బాలయ్య సీనియర్ నటీనటుల కోసమే ప్రత్యేకంగా ఓ షో వేయటంపై ప్రశంసలు కురింపించాడు. ఇక ఈవెంట్లకు, అవార్డు పంక్షన్ లకు ఆహ్వానం అందటం లేదని చెప్పిన ఆయన, అల్లు అర్జున లాంటి కుర్రహీరోలకు ఇచ్చేపాటి గౌరవ మర్యాదలు కళామ్మ తల్లి కోసం ఏళ్ల తరబడి కష్టపడ్డ తనలాంటి వాళ్లకు ఇవ్వకపోటం దురదృష్టం అని ఆవేదన వ్యక్తం చేశాడు.